OpenSpeaks/sat

From Wikiversity
Jump to navigation Jump to search

ᱥᱟᱛᱷᱟᱢ ᱑: ᱟᱝᱜᱚᱪ (Consent), ᱟᱝᱜᱚᱪ ᱟᱹᱭᱫᱟᱹᱨᱤᱠᱚ (Content Rights) ᱟᱨ ᱟᱹᱭᱫᱟᱹᱨᱤ ᱞᱟᱭᱥᱮᱱᱥ (Content Licensing)[edit | edit source]

ᱡᱟᱦᱟᱱ ᱯᱟᱹᱨᱥᱤ ᱞᱟᱹᱜᱤᱫ ᱳᱰᱤᱭᱳ ᱥᱮ ᱵᱷᱤᱰᱤᱭᱳ ᱰᱚᱠᱩᱢᱮᱱᱴᱮᱥᱚᱱ ᱵᱮᱱᱟᱣ ᱚᱠᱛᱮ ᱨᱮ, ᱟᱢ ᱫᱚ ᱟᱝᱜᱚᱪ/ᱠᱚᱱᱥᱮᱱᱴ, ᱟᱹᱭᱫᱟᱹᱨᱤ/ᱨᱟᱭᱤᱨᱥ ᱟᱨ ᱠᱚᱯᱤ ᱨᱟᱭᱤᱴ, ᱟᱨ ᱞᱟᱭᱥᱮᱱᱤᱝ ᱨᱮᱭᱟᱜ ᱠᱩᱠᱞᱤ ᱠᱚ ᱦᱤᱡᱩᱜ-ᱟ᱾ ᱟᱫᱚᱢᱟᱜ ᱵᱟᱹᱲᱛᱤ ᱦᱤᱡᱩᱜ ᱠᱩᱠᱞᱤ ᱠᱚ ᱫᱚ ᱦᱩᱭ ᱫᱟᱲᱮᱭᱟᱜ-ᱟᱺ

  • ᱪᱮᱠᱟ ᱛᱮ ᱢᱤᱫᱴᱮᱱ ᱤᱱᱴᱟᱨᱵᱷᱤᱣ ᱦᱟᱛᱟᱣ ᱞᱟᱹᱜᱤᱫ ᱯᱟᱨᱢᱤᱥᱚᱱ ᱤᱧ ᱦᱟᱛᱟᱣᱟ?
  • ᱪᱮᱫ ᱤᱧ ᱫᱚ ᱢᱤᱫᱴᱮᱱ ᱤᱱᱴᱟᱨᱵᱷᱤᱣᱤ ᱴᱷᱮᱱ ᱠᱷᱚᱱ ᱢᱚᱪᱟ ᱟᱨᱵᱟᱝ ᱚᱞᱟᱜ ᱛᱮ ᱯᱟᱨᱢᱮᱥᱚᱱ ᱦᱟᱛᱟᱣ ᱦᱩᱭᱩᱜ ᱛᱤᱧᱟᱹ ?
  • ᱛᱤᱱ ᱨᱮ ᱤᱧ ᱡᱟᱦᱟᱱ ᱳᱰᱤᱭᱳ ᱥᱮ ᱵᱷᱤᱰᱤᱭᱳ ᱨᱤᱠᱚᱨᱰᱤᱝᱟ ᱚᱠᱚᱭ ᱴᱷᱮᱱ ᱨᱟᱭᱤᱴ ᱫᱚ ᱛᱟᱦᱮᱸᱱᱟ?
  • ᱪᱮᱫ ᱞᱮᱠᱟᱱ ᱚᱣᱟᱱᱟᱨᱥᱤᱯ ᱟᱹᱭᱫᱟᱹᱨᱤ ᱠᱚ ᱢᱮᱱᱟᱜ-ᱟ?
  • ᱠᱚᱯᱤ ᱨᱟᱭᱤᱴ ᱫᱚ ᱪᱮᱫ ᱠᱟᱱᱟ ᱟᱨ ᱨᱤᱠᱚᱨᱰᱤᱝ ᱚᱠᱛᱮ ᱚᱠᱚᱭ ᱠᱚᱯᱤ ᱨᱟᱭᱤᱴᱮ ᱟᱹᱭᱫᱟᱹᱨᱟ ?
  • ᱠᱚᱯᱤ ᱨᱟᱭᱤᱴ ᱞᱟᱹᱜᱤᱫ ᱪᱮᱫ ᱨᱤᱡᱤᱥᱴᱟᱨ ᱦᱩᱭᱩᱜ ᱛᱤᱧᱟᱹ ?
  • ᱪᱮᱫ ᱨᱤᱠᱚᱨᱰᱤᱝ ᱩᱪᱷᱟᱹᱱ ᱞᱟᱹᱜᱤᱫ ᱡᱟᱦᱟᱱ ᱞᱟᱭᱥᱮᱱᱥ ᱢᱮᱱᱟᱜ-ᱟ ?

ᱦᱩᱭ ᱫᱟᱲᱮᱭᱟᱜ ᱟᱢ ᱫᱚ ᱢᱤᱢᱤᱫ ᱜᱚᱴᱟᱝ ᱠᱩᱠᱞᱤ ᱨᱮᱭᱟᱜ ᱥᱩᱡᱷᱤ ᱛᱮᱞᱟ ᱵᱟᱢ ᱧᱟᱢ ᱫᱟᱲᱮᱭᱟᱜ-ᱟ᱾ ᱪᱮᱫᱟᱜ ᱥᱮ ᱱᱤᱭᱟᱹ ᱠᱚ ᱢᱩᱫᱽ ᱨᱮ ᱚᱠᱟᱴᱟᱜ ᱠᱩᱠᱞᱤ ᱨᱮᱭᱟᱜ ᱟᱞᱜᱟ ᱛᱮᱞᱟ ᱦᱚᱸ ᱵᱟᱹᱱᱩᱜ-ᱟ᱾ ᱟᱫᱚᱢ ᱠᱩᱠᱞᱤ ᱫᱚ ᱟᱹᱰᱤ ᱵᱷᱮᱜᱟᱨ ᱜᱮ ᱛᱟᱦᱮᱸᱱᱟ᱾ ᱟᱫᱚ, ᱱᱤᱭᱟᱹ ᱥᱟᱛᱷᱟᱢ ᱨᱮ, ᱟᱢ ᱫᱚ ᱵᱩᱴᱟᱹ ᱥᱟᱹᱦᱤᱸᱡ-ᱮᱢ ᱵᱟᱰᱟᱭ ᱫᱟᱲᱮᱭᱟᱜ-ᱟ᱾ ᱞᱟᱛᱟᱨ ᱨᱮ ᱟᱭᱢᱟ ᱞᱮᱠᱟᱱ ᱥᱟᱹᱠᱷᱤᱭᱟᱹᱛ ᱟᱨ ᱵᱮᱠᱜᱽᱨᱟᱣᱩᱱᱰ ᱠᱚ ᱮᱢ ᱟᱠᱟᱱᱟ᱾ ᱟᱸᱥ ᱢᱮᱱᱟᱜ-ᱟ ᱱᱤᱭᱟᱹ ᱦᱚᱛᱮ ᱛᱮ ᱟᱢ ᱫᱚ ᱩᱱ ᱚᱠᱛᱮ ᱨᱮ ᱥᱟᱯᱲᱟᱣ ᱜᱮᱢ ᱛᱟᱦᱮᱸᱱᱟ ᱟᱨ ᱡᱟᱦᱟᱱᱟᱜ ᱮᱢ ᱱᱤᱴᱷ ᱫᱟᱲᱮᱭ-ᱟ᱾

ᱱᱚᱱᱰᱮ ᱢᱮᱱᱟᱜ ᱟᱫᱚᱢ ᱟᱹᱲᱟᱹ ᱠᱚ ᱚᱠᱟ ᱫᱚ ᱟᱢ ᱞᱟᱛᱟᱨ ᱨᱮᱢ ᱧᱟᱢ:

  • ᱰᱚᱠᱩᱢᱮᱱᱴᱮᱥᱚᱱ: ᱡᱟᱦᱟᱱ ᱵᱟᱰᱟᱭᱟᱜ ᱜᱮ ᱨᱤᱠᱚᱨᱰᱤᱝ ᱠᱟᱛᱮ ᱫᱚᱦᱚ ᱠᱟᱜ ᱚᱠᱟ ᱫᱚ ᱛᱟᱭᱚᱢ ᱛᱮ ᱵᱮᱵᱷᱟᱨ ᱫᱟᱲᱮᱭᱟᱜ-ᱟ᱾ ᱡᱟᱦᱟᱱ ᱚᱱᱚᱲᱦᱮ ᱯᱟᱲᱦᱟᱣ (ᱡᱟᱸᱦᱟᱸ ᱫᱚ ᱛᱟᱭᱚᱢ ᱛᱮ ᱫᱤᱥᱟᱹ ᱫᱟᱲᱮᱭᱟᱜ), ᱚᱱᱟ ᱠᱟᱜᱚᱡᱽ ᱨᱮ ᱚᱞ ᱫᱚᱦᱚ, ᱳᱰᱤᱭᱳ ᱟᱨ ᱵᱷᱤᱰᱤᱭᱳ ᱨᱤᱠᱚᱨᱰᱤᱝ ᱞᱮᱠᱟᱱ ᱟᱭᱢᱟ ᱰᱚᱠᱩᱢᱮᱱᱴᱮᱥᱚᱱ ᱦᱩᱭ ᱫᱟᱲᱮᱭᱟᱜ-ᱟ᱾
  • ᱢᱤᱰᱤᱭᱟ: ᱤᱱᱯᱷᱚᱨᱢᱮᱥᱚᱱ ᱠᱚ ᱦᱟᱯᱟᱴᱤᱧ ᱨᱮᱭᱟᱜ ᱪᱮᱱᱮᱞᱥ ᱟᱨ ᱴᱩᱞᱥ ᱠᱚ᱾ ᱤᱱᱟᱹ ᱤᱱᱯᱷᱚᱨᱢᱮᱥᱚᱱ ᱜᱮ ᱯᱚᱛᱚᱵ ᱞᱮᱠᱟ ᱛᱮ ᱥᱚᱫᱚᱨ ᱞᱮᱱᱠᱦᱟᱱ (ᱯᱨᱤᱱᱴ ᱢᱤᱰᱤᱭᱟ), ᱪᱟᱴ ᱮᱯᱞᱤᱠᱮᱥᱚᱱ ᱡᱮᱞᱮᱠᱟ ᱣᱟᱴᱥᱟᱯ ᱥᱮ ᱥᱤᱜᱽᱱᱟᱞ (ᱰᱤᱡᱤᱴᱟᱞ ᱢᱤᱰᱤᱭᱟ) ᱥᱮ ᱥᱤᱹᱰᱤᱹ ᱨᱮ ᱚᱞ (ᱢᱟᱨᱮ ᱰᱤᱡᱤᱴᱟᱞ ᱢᱤᱰᱤᱭᱟ) ᱟᱨ ᱥᱮ ᱢᱤᱫᱴᱮᱱ ᱠᱮᱥᱮᱴ ᱴᱮᱯ (ᱟᱹᱰᱤ ᱢᱟᱨᱮ ᱟᱨ ᱟᱱᱟᱞᱚᱜᱽ ᱢᱤᱰᱤᱭᱟ)᱾
  • ᱠᱚᱱᱴᱮᱱᱴ ᱥᱮ ᱢᱤᱰᱤᱭᱟ ᱠᱚᱱᱴᱮᱱᱴ: ᱢᱩᱪᱟᱹᱫ ᱵᱮᱵᱷᱟᱨᱤᱭᱟᱹᱠᱚ ᱞᱟᱹᱜᱤᱫ ᱤᱱᱯᱷᱚᱨᱢᱮᱥᱚᱱ ᱟᱨ ᱮᱠᱥᱯᱤᱨᱮᱱᱥ ᱠᱚ᱾ ᱠᱚᱱᱴᱮᱱᱴ ᱥᱮ ᱵᱟᱡᱟᱱ ᱡᱟᱣᱜᱮ ᱟᱭᱢᱟ ᱞᱮᱠᱟᱱ ᱢᱩᱴᱷᱟᱹᱱ/ᱢᱮᱰᱤᱭᱟᱢ ᱨᱮ ᱚᱞ ᱛᱚᱞ ᱛᱟᱦᱮᱸᱱᱟ (ᱫᱟᱹᱭᱠᱟᱹ "ᱯᱷᱤᱡᱤᱠᱮᱞ ᱢᱮᱰᱤᱭᱟᱢ" ᱡᱮᱞᱮᱠᱟ ᱠᱟᱜᱚᱡᱽ ᱥᱟᱠᱟᱢ ᱥᱮ ᱯᱚᱛᱚᱵ ᱟᱨ "ᱰᱤᱡᱤᱴᱟᱞ ᱢᱮᱰᱤᱭᱟᱢ" ᱡᱮᱞᱮᱠᱟ ᱮᱥᱹᱰᱤᱹ ᱠᱟᱨᱰ ᱥᱮ ᱯᱷᱚᱱ ᱨᱮᱭᱟᱜ ᱢᱮᱢᱚᱨᱤ ᱠᱟᱨᱰ)᱾
  • ᱟᱝᱜᱚᱪ (Consent): ᱢᱤᱫ ᱦᱚᱲᱟᱜ ᱱᱮᱦᱚᱨ ᱠᱟᱛᱷᱟ ᱛᱮ ᱟᱨ ᱢᱤᱫ ᱦᱚᱲ ᱥᱟᱶ ᱵᱮᱜᱟᱨᱤ ᱥᱮᱣᱟ ᱪᱩᱠᱛᱤ᱾ ᱱᱤᱭᱟᱹ ᱫᱚ ᱢᱚᱪᱟ ᱠᱟᱛᱷᱟ ᱛᱮ, ᱦᱚᱲᱢᱚ ᱛᱮᱭᱟᱜ ᱠᱟᱹᱢᱤᱦᱚᱨᱟ ᱛᱮ ᱥᱮ ᱚᱞ ᱨᱩᱯ ᱛᱮ ᱦᱚᱸ ᱦᱩᱭᱩᱜ ᱜᱮᱭᱟ᱾ ᱟᱥᱚᱠᱟᱭᱛᱮ ᱟᱹᱱ ᱤᱫᱤ ᱠᱟᱛᱮ, ᱨᱟᱜ-ᱨᱟᱱ (ᱫᱟᱹᱭᱠᱟᱹ-ᱯᱟᱹᱴᱤᱦᱟᱛᱟᱣ), ᱠᱷᱚᱱᱫᱽᱨᱚᱝ ᱟᱨ ᱡᱩᱣᱟᱹᱱ ᱥᱟᱹᱜᱟᱹᱭ ᱮᱢᱟᱱ ᱢᱟᱲᱟᱝ ᱨᱮ ᱠᱚᱱᱥᱮᱱᱴ ᱦᱟᱛᱟᱣ ᱦᱩᱭᱩᱜ-ᱟ᱾
  • ᱞᱟᱭᱥᱮᱱᱥ ᱥᱮ ᱞᱟᱭᱥᱮᱱᱥ (licence): ᱢᱤᱫᱴᱮᱱ ᱟᱹᱢᱟᱹᱞᱤ ᱟᱝᱜᱚᱪ ᱥᱮ ᱟᱝᱜᱚᱪ (permit) ᱥᱮ ᱥᱟᱹᱵᱤᱛᱟᱜ ᱥᱮ ᱡᱟᱸᱦᱟᱸᱭ ᱡᱟᱸᱦᱟᱱᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱟᱝᱜᱚᱪ ᱥᱮ ᱟᱯᱱᱟᱨ ᱫᱟᱲᱮᱭᱟᱜ-ᱮ᱾ ᱚᱱᱟ ᱫᱚ "ᱡᱟᱦᱟᱱ" ᱢᱤᱫᱴᱮᱱ ᱚᱞᱟᱜ ᱢᱟᱱᱩᱥᱠᱨᱤᱯᱴ, ᱢᱤᱫᱴᱮᱱ ᱞᱟᱹᱞᱟᱹᱭ ᱨᱤᱠᱚᱨᱰᱤᱝ ᱟᱨ ᱥᱮ ᱢᱤᱫᱴᱮᱱ ᱰᱟᱠᱴᱚᱨ ᱟᱜ ᱢᱮᱰᱤᱠᱮᱞ ᱞᱟᱭᱥᱮᱱᱥ ᱦᱚᱸ ᱦᱩᱭ ᱫᱟᱲᱮᱭᱟᱜ-ᱟ᱾ ᱢᱤᱫᱴᱮᱱ ᱥᱚᱯᱷᱴᱣᱮᱭᱟᱨ ᱩᱛᱷᱱᱟᱹᱣᱤᱡ ᱞᱟᱭᱥᱮᱱᱥᱮ ᱮᱢ ᱫᱟᱲᱮᱭᱟᱜ-ᱟ ᱡᱩᱫᱤ ᱩᱱᱤ ᱢᱤᱫᱴᱮᱱ ᱱᱟᱣᱟ ᱥᱚᱯᱷᱴᱣᱮᱭᱟᱨᱮ ᱵᱮᱱᱟᱣᱟ ᱥᱮ ᱢᱤᱫᱴᱮᱱ ᱢᱮᱰᱤᱠᱮᱞ ᱵᱳᱣᱨᱰ ᱠᱷᱚᱱ ᱢᱤᱫᱥᱴᱮᱱ ᱰᱟᱠᱴᱚᱨ ᱞᱟᱭᱥᱮᱱᱥᱮ ᱠᱚ ᱮᱢ ᱫᱟᱲᱮᱭᱟᱜ-ᱟ᱾
  • ᱠᱚᱯᱤᱨᱟᱭᱤᱴ, ᱢᱚᱨᱟᱞ ᱠᱚᱯᱤᱨᱟᱭᱤᱴ, ᱚᱯᱮᱱ ᱞᱟᱭᱥᱮᱱᱥ ᱞᱮᱠᱟᱱ ᱟᱭᱢᱟ ᱟᱹᱲᱟᱹ ᱠᱚ ᱢᱮᱱᱟᱜ-ᱟ᱾ ᱞᱟᱛᱟᱨ ᱨᱮᱭᱟᱜ ᱵᱤᱵᱚᱨᱚᱱ ᱠᱷᱚᱱ ᱯᱷᱟᱭᱞᱟᱣ ᱛᱮ ᱪᱮᱫᱡᱚᱝ ᱢᱮ᱾

ᱰᱚᱠᱩᱢᱮᱱᱴᱮᱥᱚᱱ ᱞᱟᱹᱜᱤᱫ ᱟᱝᱜᱚᱪ[edit | edit source]


ᱯᱟᱹᱨᱥᱤ ᱰᱚᱠᱩᱢᱮᱱᱴᱮᱥᱚᱱ ᱵᱮᱲᱟ ᱨᱮ ᱦᱮᱸᱥᱤᱠᱟᱹᱨ ᱫᱚ ᱠᱩᱞᱤ ᱚᱪᱚᱜᱤᱡ ᱟᱡᱟᱜ ᱤᱪᱷᱟᱹ ᱛᱮ ᱠᱩᱜᱞᱤᱭᱤᱡ ᱫᱚᱭ ᱮᱢᱟᱭᱟ ᱾ ᱨᱮᱠᱚᱰᱤᱝ ᱞᱟᱹᱜᱤᱫ ᱱᱚᱣᱟ ᱫᱚ ᱯᱩᱭᱞᱩ ᱨᱮᱵᱮᱱ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱠᱩᱜᱞᱤᱭᱤᱡ ᱨᱮᱠᱚᱰ ᱞᱟᱹᱜᱤᱫ ᱠᱩᱞᱤ ᱚᱪᱚᱜᱤᱡ ᱮ ᱱᱮᱦᱚᱸᱨ ᱮᱭᱟ ᱾ ᱠᱩᱞᱤ ᱚᱪᱚᱜᱤᱡ ᱚᱱᱟ ᱫᱚᱭ ᱵᱩᱡᱷᱟᱹᱣ ᱫᱟᱲᱮᱭᱟᱜ ᱢᱟ ᱾ ᱚᱱᱟ ᱛᱟᱭᱚᱢ ᱨᱮᱠᱚᱰ ᱟᱠᱟᱱ ᱢᱤᱰᱤᱭᱟ ᱯᱟᱨᱥᱟᱞ ᱵᱟᱵᱚᱛ ᱥᱟᱯᱷᱟ ᱨᱮᱵᱮᱱ ᱮ ᱪᱟᱞᱟ ᱾ ᱱᱚᱶᱟ ᱦᱟᱹᱴᱤᱧ ᱨᱮᱫᱚ ᱚᱠᱚᱭ, ᱪᱮᱫ ᱞᱮᱠᱟ, ᱛᱤᱱ ᱨᱮ, ᱚᱠᱟ ᱨᱮ "ᱦᱮᱸᱥᱤᱠᱟᱹᱨ ᱥᱟᱠᱟᱢ" ᱧᱟᱢ ᱵᱟᱵᱚᱛ ᱜᱟᱞᱚᱪ ᱟᱠᱟᱱᱟ ᱾

ᱟᱹᱰᱤ ᱜᱟᱱ ᱠᱩᱯᱩᱞᱤ ᱨᱚᱯᱚᱲ ᱨᱮᱜᱮ ᱠᱮᱢᱨᱟ ᱟᱨ ᱢᱟᱭᱠᱨᱚᱯᱷᱚᱱ ᱥᱟᱡᱟᱣ ᱧᱮᱞ ᱛᱮᱜᱮ ᱟᱵᱚ ᱵᱚ ᱵᱤᱪᱟᱹᱨᱟ ᱡᱮ ᱯᱚᱨᱚᱠᱷᱭᱚ ᱦᱮᱸᱥᱤᱠᱟᱹᱨ ᱫᱚ ᱧᱟᱢ ᱮᱱᱟ ᱾ ᱟᱵᱚ ᱵᱚ ᱢᱚᱱᱮᱭᱟ ᱡᱮ ᱠᱮᱢᱨᱟ, ᱢᱟᱭᱤᱠ ᱟᱨ ᱴᱨᱟᱭᱯᱚᱰ ᱠᱚ ᱧᱮᱞ ᱛᱮᱜᱮ ᱩᱱᱤ ᱫᱚ ᱨᱮᱠᱚᱰᱤᱝ ᱞᱟᱹᱜᱤᱫ ᱮ ᱨᱮᱵᱮᱱ ᱟᱠᱟᱱᱟ ᱾ ᱤᱠᱷᱟᱹᱱ ᱱᱚᱶᱟ ᱫᱚ ᱜᱚᱴᱟ ᱯᱟᱲᱟ ᱞᱟᱹᱜᱤᱫ ᱵᱟᱝ ᱞᱟᱹᱜᱩᱜ-ᱟ ᱾ ᱠᱩᱞᱤ ᱚᱪᱚᱜᱤᱡ ᱫᱚ ᱠᱟᱬᱟ ᱦᱚᱸᱭ ᱦᱩᱭ ᱫᱟᱲᱮᱭᱟᱜ-ᱟ ᱵᱟᱠᱷᱟᱱ ᱨᱮᱠᱚᱰᱤᱝ ᱵᱟᱵᱚᱛ ᱜᱮᱭᱟᱱ ᱵᱟᱹᱱᱩᱜ ᱛᱟᱭᱟ ᱾ ᱛᱟᱭᱚᱢ ᱵᱤᱫᱟᱹᱞ ᱱᱚᱶᱟ ᱵᱟᱵᱚᱛ ᱱᱮᱭᱟᱶ ᱛᱟᱯᱟᱢ ᱦᱩᱭᱩᱜ ᱠᱷᱟᱱ ᱱᱚᱶᱟ "ᱦᱮᱸᱥᱟᱹᱨᱤ ᱥᱟᱠᱟᱢ" ᱟᱹᱰᱤ ᱠᱟᱹᱢᱤ ᱨᱮ ᱞᱟᱜᱟᱣᱜ-ᱟ ᱾

ᱚᱞ ᱦᱮᱸᱥᱤᱠᱟᱨ[edit | edit source]

ᱞᱮᱛᱟᱲ ᱜᱮ ᱚᱞᱟᱜ ᱟᱨᱵᱟᱝ ᱪᱷᱟᱯᱟ ᱟᱜ ᱨᱟᱹᱡᱤ ᱥᱟᱠᱟᱢ ᱵᱮᱣᱦᱟᱨ ᱜᱮ ᱱᱟᱯᱟᱭᱟ ᱾ ᱡᱩᱫᱤ ᱪᱷᱟᱯᱟ ᱯᱷᱚᱨᱢ ᱯᱮ ᱵᱮᱣᱦᱟᱨ ᱮᱫᱟ ᱛᱚᱵᱮ ᱵᱟᱨᱮᱭᱟ ᱠᱚᱯᱤ ᱵᱮᱱᱟᱣ ᱞᱟᱹᱠᱛᱤ, ᱢᱤᱫ ᱫᱚ ᱠᱩᱠᱞᱤ ᱤᱡ ᱞᱟᱹᱜᱤᱫ ᱟᱨ ᱢᱤᱫ ᱫᱚ ᱠᱩᱞᱤ ᱚᱪᱚᱜᱤᱡ ᱞᱟᱹᱜᱤᱫ ᱾ ᱠᱩᱞᱤ ᱚᱪᱚᱜᱤᱡ ᱫᱚ ᱢᱤᱫ ᱚᱞ ᱯᱟᱲᱦᱟᱣᱤᱡ ᱟᱨ ᱑᱘ ᱩᱢᱮᱨ ᱠᱷᱚᱱᱟᱜ ᱵᱟᱹᱲᱛᱤ ᱤᱡ ᱮ ᱦᱩᱭ ᱠᱚᱜ ᱢᱟ, ᱡᱮᱢᱚᱱ ᱩᱱᱤ ᱯᱷᱚᱨᱢ ᱨᱮ ᱥᱩᱦᱤ ᱢᱟᱬᱟᱝ ᱨᱮ ᱚᱱᱰᱮᱱᱟᱜ ᱡᱚᱛᱚᱣᱟᱜ ᱮ ᱵᱩᱡᱷᱟᱹᱣ ᱫᱟᱲᱮᱭᱟᱜ ᱢᱟ ᱾ ᱡᱩᱫᱤ ᱠᱩᱞᱤ ᱚᱪᱚᱜᱤᱡ ᱨᱟᱹᱡᱤ ᱥᱟᱠᱟᱢ ᱵᱟᱭ ᱮᱢᱟ ᱮᱱᱠᱷᱟᱱ ᱫᱟᱭᱟ ᱠᱟᱛᱮ ᱞᱟᱹᱭ ᱯᱮ ᱡᱮ ᱟᱡ ᱯᱟᱦᱴᱟ ᱠᱷᱚᱱ ᱚᱠᱚᱭ ᱨᱟᱹᱡᱤ ᱥᱟᱠᱟᱢ ᱮ ᱮᱢᱟ ᱾ ᱦᱩᱰᱤᱧ ᱜᱤᱫᱟᱹᱨ ᱞᱟᱹᱜᱤᱫ ᱫᱚ ᱮᱸᱜᱟᱛ, ᱟᱯᱟᱛ ᱟᱨ ᱵᱟᱠᱷᱟᱱ ᱜᱟᱨᱡᱚᱱ ᱨᱟᱹᱡᱤ ᱥᱟᱠᱟᱢ ᱠᱚ ᱮᱢᱟ ᱾ ᱚᱠᱚᱰᱟ ᱦᱚᱲ ᱞᱟᱹᱜᱤᱫ ᱫᱚ ᱡᱚᱜᱛᱚᱱᱤᱡ ᱟᱨ ᱵᱮᱝᱠᱷᱟᱱ ᱜᱷᱟᱨᱚᱸᱧᱡᱽ ᱥᱚᱦᱮᱫ ᱨᱟᱹᱡᱤ ᱥᱟᱠᱟᱢ ᱮ ᱮᱢᱟ ᱾ ᱵᱚᱦᱚᱜ ᱵᱟᱹᱲᱤᱡ ᱟᱠᱟᱱ ᱦᱚᱲ ᱥᱟᱶ ᱫᱚ ᱠᱩᱯᱩᱞᱤ ᱨᱚᱯᱚᱲ ᱢᱚᱴᱷᱮ ᱜᱮ ᱵᱟᱝ ᱠᱚᱨᱟᱣ ᱞᱟᱹᱠᱛᱤ ᱾

ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱫᱟᱹᱭᱠᱟᱹ ᱯᱷᱚᱨᱢ ᱧᱮᱞ ᱢᱮ ᱾ ᱱᱚᱶᱟ ᱟᱢᱮᱢ ᱠᱚᱯᱤ ᱫᱟᱲᱮᱟᱜ-ᱟ, ᱞᱟᱹᱠᱛᱤ ᱡᱟᱹᱱᱤᱢ ᱵᱚᱫᱚᱞ ᱫᱟᱲᱮᱭᱟᱜ-ᱟ ᱟᱨ ᱟᱢᱟᱜ ᱟᱭᱳ ᱟᱲᱟᱝ ᱛᱮᱢ ᱛᱚᱨᱡᱚᱢᱟ ᱫᱟᱲᱮᱭᱟᱜ-ᱟ ᱾

                            ᱯᱟᱨᱥᱟᱞ ᱞᱟᱹᱜᱤᱫ ᱦᱮᱸᱥᱤᱠᱟᱹᱨ ᱟᱨ ᱟᱹᱭᱫᱟᱹᱨ 

ᱟᱹᱭᱟᱹᱛ ᱠᱚ:

• ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱞᱟᱥᱮᱸᱥ ᱚᱝᱥᱟᱨ "ᱤᱧᱟᱜ ᱠᱟᱹᱢᱤ" ᱯᱟᱨᱥᱟᱞ ᱞᱟᱹᱜᱤᱫ ᱤᱧ ᱨᱮᱵᱮᱱ ᱢᱤᱱᱟᱹᱧᱟ ᱾ 

• ᱞᱟᱭᱥᱮᱸᱥ ᱺ ᱤᱧᱤᱧ ᱥᱤᱠᱟᱹᱨ ᱮᱫᱟ ᱡᱮ ᱱᱚᱝᱠᱹᱟᱧ ᱠᱟᱹᱢᱤ ᱞᱮᱠᱷᱟᱱ, ᱡᱟᱦᱟᱸᱭ ᱜᱮ ᱤᱧᱟᱜ ᱠᱟᱹᱢᱤ (Creative Commons Attribution-ShareAlike 4.0 International
(CC BY-SA 4.0 - https://creativecommons.org/licenses/by-sa/4.0/) ᱚᱝᱥᱟᱨ ᱠᱚ ᱵᱮᱣᱦᱟᱨ ᱫᱟᱲᱮᱭᱟᱜ-ᱟ ᱾ ᱩᱱᱠᱩ ᱱᱚᱶᱟ ᱵᱟᱹᱱᱤᱡ ᱵᱮᱯᱟᱨ ᱞᱟᱜᱤᱫ ᱦᱚᱸᱠᱚ ᱵᱮᱣᱦᱟᱨ ᱫᱟᱲᱮᱭᱟᱜ-ᱟ, ᱟᱠᱚᱣᱟᱜ ᱞᱟᱹᱠᱛᱤ ᱡᱟᱹᱱᱤ ᱵᱚᱫᱚᱞ ᱦᱚᱸᱠᱚ ᱫᱟᱲᱮᱭᱟᱜ-ᱟ ᱾ ᱟᱨ ᱟᱠᱚ ᱦᱚᱸ ᱱᱚᱶᱟ ᱱᱤᱭᱚᱢ ᱟᱨ ᱠᱟᱹᱱᱩᱱ ᱠᱚ ᱢᱟᱱᱟᱣᱟ ᱾

• ᱤᱧ ᱥᱚᱱᱛᱚᱨ ᱢᱤᱱᱟᱹᱧᱟ ᱡᱮ ᱱᱚᱶᱟ ᱮᱜᱽᱨᱤᱢᱮᱱᱴ ᱫᱚ "ᱵᱮᱜᱱᱟᱣᱤᱡ" ᱥᱩᱢᱩᱝ ᱞᱟᱹᱜᱤᱫ ᱵᱟᱝ ᱠᱟᱱᱟ ᱾ 

• ᱤᱧ ᱥᱚᱱᱛᱚᱨ ᱢᱤᱱᱟᱹᱧᱟ ᱡᱮ ᱠᱚᱯᱤ ᱨᱮᱭᱤᱴ ᱦᱚᱞᱰᱚᱨ ᱫᱚ ᱵᱟᱪᱷᱟᱣ ᱟᱠᱟᱱ ᱞᱟᱭᱥᱮᱸᱥ ᱚᱝᱥᱟᱨ ᱡᱤᱱᱤᱥ ᱨᱮᱭᱟᱜ ᱢᱟᱞᱤᱠᱟᱱᱟ ᱟᱠᱚ ᱴᱷᱮᱱ ᱠᱚ ᱫᱚᱦᱚᱭᱟ ᱾

• ᱤᱧᱤᱧ ᱥᱤᱠᱟᱹᱨ ᱮᱫᱟ ᱡᱮ ᱱᱚᱶᱟ "ᱮᱜᱽᱨᱤᱢᱮᱱᱴ" ᱫᱚ ᱤᱧ ᱵᱟᱹᱧ ᱤᱫᱤ ᱨᱩᱣᱟᱹᱲ ᱫᱟᱲᱮᱭᱟᱜ-ᱟ ᱾

• ᱤᱧ ᱥᱚᱱᱛᱚᱨ ᱟᱨ ᱨᱟᱹᱡᱤ ᱢᱤᱱᱟᱹᱧᱟ ᱡᱮ ᱤᱧᱟᱜ ᱱᱚᱣᱟ ᱰᱚᱠᱩᱢᱮᱱᱴ ᱤᱧᱟᱜ ᱟᱨ ᱵᱟᱝᱢᱟ ᱤᱧ ᱨᱮᱱ ᱟᱹᱭᱫᱟᱹᱨᱤ ᱟᱜ ᱵᱤᱱᱟᱹ ᱨᱮᱵᱮᱱ ᱛᱮ ᱡᱟᱦᱟᱸᱭ ᱜᱮᱠᱚ ᱵᱤᱥᱲᱤ, ᱛᱚᱨᱡᱚᱢᱟ ᱟᱨ ᱦᱟᱹᱴᱤᱧ ᱫᱟᱲᱮᱭᱟᱜ-ᱟ ᱾  

• ᱤᱧ ᱜᱷᱚᱥᱬᱟ ᱮᱫᱟᱹᱧ ᱡᱮ (ᱚ) ᱱᱚᱶᱟ ᱯᱟᱨᱥᱟᱞ ᱞᱟᱹᱜᱤᱫ ᱤᱧᱟᱜ ᱥᱚᱢᱯᱩᱨᱩᱱ ᱫᱟᱲᱮ ᱟᱨ ᱟᱹᱭᱫᱟᱹᱨ ᱢᱮᱱᱟᱜ-ᱟ ᱾ ᱡᱩᱫᱤ ᱡᱟᱦᱟᱸᱭ ᱜᱮ ᱛᱮᱥᱟᱨ ᱦᱚᱲ ᱮ ᱫᱟᱹᱵᱤᱭᱟ ᱡᱮ ᱱᱚᱶᱟ ᱟᱡᱟᱜ ᱟᱹᱭᱫᱟᱹᱨ ᱮ ᱨᱟᱹᱯᱩᱫᱮᱜ-ᱟ ᱮᱱᱠᱷᱟᱱ ᱱᱚᱝᱠᱟᱱ ᱫᱟᱹᱵᱤ ᱠᱷᱚᱱᱟᱜ ᱵᱟᱧᱪᱟᱣᱜ ᱞᱟᱹᱜᱤᱫ ᱤᱧ ᱵᱮᱜᱱᱟᱣᱤᱡ ᱥᱚᱢᱯᱩᱨᱩᱱ ᱤᱧ ᱜᱚᱲᱚ ᱟᱭᱟ ᱾ 

ᱧᱩᱛᱩᱢ ᱦᱟᱹᱴᱤᱧ ᱢᱮ ᱟᱨ ᱵᱟᱝ "ᱠᱟᱹᱢᱤ" ᱵᱟᱵᱚᱫᱽ ᱵᱤᱥᱲᱤ ᱢᱮ *
(ᱡᱩᱫᱤ ᱱᱚᱶᱟ ᱢᱤᱫ ᱠᱩᱯᱩᱞᱤ ᱨᱚᱯᱚᱲ ᱠᱟᱱᱟ ᱮᱱᱠᱷᱟᱱ ᱟᱢ "ᱤᱧᱟᱜ ᱠᱩᱯᱩᱞᱤ ᱨᱚᱨᱯᱚᱲ '''ᱨᱚᱯᱚᱲ ᱥᱟᱛᱟᱢ''' ᱵᱟᱵᱚᱛ" ᱚᱞ ᱢᱮ ᱡᱟᱦᱟᱸ ᱨᱮ '''ᱨᱚᱯᱚᱲ ᱥᱟᱛᱟᱢ''' ᱴᱷᱮᱱ ᱫᱚ ᱟᱢ ᱚᱠᱟ ᱵᱟᱵᱚᱛ ᱮᱢ ᱨᱚᱯᱚᱲ ᱮᱱᱟ ᱚᱱᱟ ᱚᱞ ᱢᱮ ᱾ ᱡᱩᱫᱤ ᱟᱢ ᱵᱷᱤᱰᱤᱭᱚ, ᱚᱰᱤᱭᱚ, ᱯᱷᱚᱴᱚᱢ ᱞᱚᱰ ᱟᱠᱟᱜ-ᱟ ᱮᱱᱠᱷᱟᱱ ᱚᱱᱟ ᱪᱮᱫ ᱨᱮᱭᱟᱜ ᱵᱷᱤᱰᱤᱭᱚ, ᱚᱰᱤᱭᱚ, ᱯᱷᱚᱴᱚ ᱠᱟᱱᱟ ᱚᱱᱟ ᱚᱞ ᱢᱮ ᱾  
• ᱴᱷᱟᱶ ᱡᱟᱦᱟᱸ ᱨᱮ ᱥᱩᱦᱤ ᱠᱮᱫᱟᱭ:
• ᱥᱩᱦᱤ ᱨᱮᱭᱟᱜ ᱢᱟᱹᱦᱤᱛᱺ
• ᱨᱚᱲ ᱠᱟᱱ ᱯᱟᱹᱨᱥᱤ ᱠᱚ:
• ᱢᱤᱰᱤᱭᱟ ᱨᱮᱭᱟᱜ ᱞᱮᱠᱟᱱ (ᱰᱤᱡᱤᱴᱟᱞ ᱚᱰᱤᱭᱳ, ᱵᱷᱤᱰᱤᱭᱳ, ᱯᱷᱚᱴᱚ):

                        ᱠᱩᱠᱞᱤ ᱚᱪᱚᱜᱤᱡᱟᱜ ᱥᱚᱢᱯᱩᱨᱩᱱ 

• ᱯᱩᱨᱟᱹ ᱧᱩᱛᱩᱢ:

• ᱤ ᱢᱮᱞ ᱟᱨ ᱵᱟᱝ ᱮᱴᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱥᱩᱪᱚᱱᱟ: 

• ᱪᱮᱛᱟᱱ ᱨᱮ ᱞᱟᱹᱭ ᱟᱠᱟᱱ ᱟᱹᱭᱟᱹᱛ ᱠᱚ ᱛᱩᱞᱩᱡ ᱟᱢ ᱨᱮᱵᱮᱱ ᱢᱮᱱᱟᱢᱟ?*
- ᱦᱮᱸ, ᱪᱮᱛᱟᱱ ᱨᱮᱭᱟᱜ ᱡᱚᱛᱚ ᱟᱹᱭᱟᱹᱛ ᱥᱟᱶ ᱤᱧ ᱨᱟᱹᱡᱤ ᱢᱤᱱᱟᱹᱧᱟ ☐

• ᱥᱩᱦᱤ:

                        ᱠᱩᱠᱞᱤ ᱚᱪᱚᱪᱜᱤᱡᱟᱜ ᱥᱚᱢᱯᱩᱨᱩᱱ
• ᱯᱩᱨᱟᱹ ᱧᱩᱛᱩᱢ:

• ᱤ ᱢᱮᱞ ᱟᱨ ᱵᱟᱝ ᱮᱴᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱥᱩᱪᱚᱱᱟ:

• ᱟᱢ ᱱᱚᱶᱟ ᱨᱮ ᱨᱮᱵᱮᱱ ᱢᱮᱱᱟᱢᱟ ᱠᱤ:
ᱚ. ᱟᱢ ᱟᱢᱟᱜ ᱠᱟᱹᱢᱤ ᱠᱷᱩᱞᱟᱹ ᱵᱮᱣᱦᱟᱨ ᱞᱟᱹᱜᱤᱫ ᱮᱢ ᱟᱲᱟᱜᱟ, ᱠᱷᱟᱥ ᱠᱟᱭᱛᱮ ᱟᱢᱟᱜ ᱯᱟᱹᱨᱥᱤ ᱨᱮᱱ ᱦᱚᱲ ᱞᱟᱹᱜᱤᱫ? 
ᱛ. ᱟᱢ ᱱᱚᱶᱟ ᱠᱚᱱᱴᱮᱱᱴ ᱫᱚ ᱯᱟᱹᱨᱥᱤ ᱨᱮᱭᱟᱜ ᱩᱛᱱᱟᱹᱣ, ᱨᱟᱱᱟᱠᱟᱵ ᱟᱨ ᱨᱟᱠᱷᱟ ᱞᱟᱹᱜᱤᱫ ᱮᱢ ᱵᱮᱣᱦᱟᱨᱟ? 
ᱜ. ᱠᱚᱱᱴᱮᱱᱴ ᱨᱮ ᱦᱟᱹᱴᱤᱧ ᱟᱠᱟᱱ ᱜᱮᱭᱟᱱ ᱪᱮᱛᱟᱱ ᱨᱮ ᱟᱢ ᱟᱢᱟᱜ ᱢᱟᱹᱞᱤᱠᱟᱱᱟ ᱵᱟᱢ ᱫᱟᱹᱵᱤᱭᱟ ᱤᱠᱷᱟᱹᱱ ᱠᱩᱞᱤ ᱚᱪᱚᱜᱤᱡ ᱟᱨ ᱟᱡ ᱨᱮᱱ ᱡᱟᱹᱛ ᱦᱚᱲ ᱮᱢ ᱢᱟᱹᱱ ᱠᱚᱣᱟ?

- ᱦᱮᱸ, ᱤᱧ ᱪᱮᱛᱟᱱ ᱨᱮᱭᱟᱜ ᱡᱚᱛᱚ ᱟᱹᱟᱹᱛ ᱥᱟᱶ ᱨᱮᱵᱮᱱ ᱢᱤᱱᱟᱹᱧᱟ ☐

• ᱥᱩᱦᱤ:

ᱪᱮᱛᱟᱱ ᱨᱮ ᱮᱢ ᱟᱠᱟᱱ ᱰᱚᱠᱩᱢᱮᱱᱴ ᱠᱚᱫᱚ ᱮᱜᱽᱨᱤᱢᱮᱱᱴ ᱨᱮᱭᱟᱜ ᱦᱮᱸᱥᱤᱠᱟᱹᱨ ᱢᱮᱱᱛᱮ ᱞᱮᱠᱷᱟᱜ-ᱟ ᱾ ᱱᱚᱶᱟ ᱫᱚ ᱟᱹᱭᱤᱱ ᱨᱮᱭᱟᱜ ᱰᱚᱠᱩᱢᱮᱱᱴ ᱵᱟᱝ ᱦᱩᱭ ᱠᱚᱜ ᱨᱮᱦᱚᱸ ᱾ ᱱᱚᱰᱮ ᱫᱚ "ᱚᱯᱮᱱ ᱟᱠᱥᱮᱥ" ᱟᱨ "ᱠᱨᱤᱭᱮᱴᱤᱵᱽ ᱠᱚᱢᱚᱱᱥ" ᱞᱮᱠᱟᱱ ᱟᱹᱲᱟᱹ ᱠᱚᱦᱚᱸ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱱᱚᱶᱟ ᱪᱟᱯᱴᱟᱨ ᱨᱮᱭᱟᱜ ᱛᱟᱭᱚᱢ ᱥᱮᱫ ᱨᱮ ᱵᱤᱥᱲᱤ ᱟᱠᱟᱱᱟ ᱾ ᱡᱩᱫᱤ ᱡᱟᱦᱟᱸᱱ ᱠᱟᱨᱚᱱ ᱠᱷᱟᱹᱛᱤᱨ ᱚᱞ ᱦᱮᱸᱥᱤᱠᱟᱹᱨ ᱵᱟᱝ ᱧᱟᱢᱚᱜ-ᱟ ᱮᱱᱠᱷᱟᱱ ᱨᱚᱲ ᱦᱮᱸᱥᱤᱠᱟᱹᱨ ᱨᱮᱠᱚᱰ ᱠᱟᱛᱮ ᱫᱚᱦᱚ ᱞᱟᱹᱠᱛᱤ ᱾

ᱨᱚᱲ ᱦᱮᱸᱥᱤᱠᱟᱹᱨ[edit | edit source]

ᱟᱹᱰᱤ ᱚᱠᱛᱚ ᱨᱮ ᱦᱮᱸᱥᱤᱠᱟᱹᱨ ᱧᱟᱢ ᱵᱟᱝ ᱥᱚᱢᱵᱷᱚᱵᱚᱜ-ᱟ ᱾ ᱫᱟᱹᱭᱠᱟᱹ, ᱠᱩᱜᱞᱤᱭᱤᱡ ᱟᱨ ᱠᱩᱞᱤ ᱚᱪᱚᱜᱤᱡ ᱟᱜ ᱨᱚᱲ ᱯᱟᱹᱨᱥᱤ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜ-ᱟ ᱾ ᱠᱩᱞᱤ ᱚᱪᱚᱜᱤᱡ ᱵᱟᱝ ᱚᱞ ᱯᱟᱲᱦᱟᱣᱤᱡ ᱮ ᱦᱩᱭ ᱫᱟᱲᱮᱭᱟᱜ-ᱟ ᱟᱨ ᱵᱟᱝ ᱚᱞᱟᱜ ᱨᱮᱵᱮᱱ ᱥᱟᱠᱟᱢ ᱵᱩᱡᱷᱟᱹᱣ ᱨᱮ ᱟᱱᱟᱴ ᱛᱟᱦᱮᱸ ᱫᱟᱲᱮᱭᱟᱜ-ᱟ ᱾ ᱱᱚᱝᱠᱟᱱ ᱵᱮᱲᱟ ᱨᱮᱫᱚ, ᱚᱞᱟᱜ ᱨᱮᱵᱮᱱ ᱥᱟᱠᱟᱢ ᱧᱟᱢ ᱵᱟᱝ ᱦᱩᱭ ᱠᱮᱭᱟ ᱡᱩᱫᱤ ᱦᱚᱸ ᱠᱩᱞᱤ ᱚᱪᱚᱜᱤᱡ ᱥᱩᱦᱤ ᱥᱟᱱᱟᱭᱟ ᱾ ᱫᱮᱞᱟ ᱛᱤᱱᱟᱹᱜ ᱜᱟᱱ ᱨᱩᱯ ᱪᱮᱛᱟᱱ ᱨᱮ ᱢᱮᱫ ᱵᱚ ᱟᱹᱪᱩᱨᱟ ᱡᱟᱦᱟᱸ ᱫᱚ ᱨᱮᱵᱮᱱ ᱥᱟᱠᱟᱢ ᱧᱟᱢ ᱨᱮ ᱜᱚᱲᱚᱭ ᱮᱢᱟ ᱵᱚᱱᱟ ᱾

ᱨᱮᱠᱚᱰᱤᱝ ᱨᱮᱭᱟᱜ ᱨᱩᱯ ᱪᱮᱫ ᱞᱮᱠᱟ ᱨᱮᱵᱮᱱ ᱨᱮᱭᱟᱜ ᱞᱮᱠᱟᱱ (ᱨᱚᱲᱟᱜ, ᱚᱞᱟᱜ)
ᱥᱮᱬᱟ ᱜᱟᱫᱮᱞ ᱠᱟᱹᱢᱤᱦᱚᱨᱟ (ᱯᱩᱱ-ᱢᱚᱬᱮ ᱦᱚᱲ ᱠᱷᱚᱱᱟᱜ ᱵᱟᱹᱲᱛᱤ) ᱯᱷᱟᱫᱟ ᱨᱮ ᱟᱨ ᱵᱟᱝᱢᱟ ᱩᱠᱩ ᱨᱮ ᱦᱩᱭ ᱠᱚᱜ ᱾ ᱥᱮᱨᱮᱧ, ᱮᱱᱮᱡ ᱮᱢᱟᱱ ᱠᱟᱹᱢᱤ ᱦᱚᱨᱟ ᱾ ᱨᱮᱠᱚᱰ ᱟᱨ ᱯᱟᱨᱥᱟᱞ ᱞᱟᱹᱜᱤᱫ ᱥᱟᱹᱛ ᱮᱱ ᱠᱷᱟᱱ ᱠᱩᱞᱤ ᱚᱪᱚᱜ ᱠᱚᱠᱚ ᱟᱹᱨᱡᱤ ᱠᱮᱭᱟ ᱚᱱᱟ ᱛᱟᱭᱚᱢ ᱥᱟᱢᱮᱞᱟᱭ "ᱨᱚᱲ ᱦᱮᱸᱥᱤᱠᱟᱹᱨ" ᱦᱟᱛᱟᱣᱜ-ᱟ ᱾ ᱢᱚᱪᱟ ᱛᱮᱭᱟᱜ ᱨᱮᱠᱚᱰ ᱟᱜ (ᱡᱩᱫᱤ ᱜᱟᱫᱮᱞ ᱟᱹᱰᱤ ᱢᱟᱨᱟᱝᱟ ᱟᱨ ᱠᱟᱹᱢᱤᱦᱚᱨᱟ ᱯᱚᱵᱽᱞᱤᱠ ᱜᱮᱭᱟ ᱮᱱᱠᱷᱟᱱ ᱵᱟᱝ ᱨᱮᱦᱚᱸ ᱜᱟᱱᱚᱜ ᱜᱮᱭᱟ)
ᱦᱩᱰᱤᱧ ᱜᱟᱫᱮᱞ ᱠᱟᱹᱢᱤᱦᱚᱨᱟ (ᱯᱩᱱ-ᱢᱚᱬᱮ ᱟᱨ ᱵᱟᱝ ᱚᱱᱟ ᱠᱷᱚᱱᱟᱜ ᱠᱚᱢ ᱦᱚᱲ) ᱡᱚᱛᱚ ᱦᱚᱲ ᱨᱮᱵᱮᱱ ᱥᱟᱠᱟᱢ ᱮᱢ ᱦᱩᱭ ᱟᱠᱚᱣᱟ ᱢᱚᱪᱟ ᱛᱮᱭᱟᱜ ᱨᱮᱠᱚᱰ ᱟᱜ ᱟᱨ ᱵᱟᱝᱠᱷᱟᱱ ᱥᱩᱦᱤ ᱢᱮᱱᱟᱜ ᱚᱞᱟᱜ ᱨᱮᱵᱮᱱ ᱥᱟᱠᱟᱢ
ᱢᱤᱫ ᱦᱚᱲ ᱥᱟᱶ ᱠᱩᱯᱩᱞᱤ ᱨᱚᱯᱚᱲ ᱚ) ᱠᱩᱞᱤ ᱚᱪᱚᱜᱤᱡ ᱮ ᱥᱟᱵᱟᱞᱚᱠ ᱠᱟᱱ ᱠᱷᱟᱱ ᱨᱮᱵᱮᱱ ᱥᱟᱠᱟᱢ ᱮ ᱮᱢᱟ

ᱛ) ᱟᱭᱳ ᱵᱟᱵᱟ ᱵᱟᱝᱠᱷᱟᱱ ᱜᱟᱨᱡᱚᱱ (ᱟᱭᱳ ᱵᱟᱵᱟ ᱵᱟᱹᱱᱩᱜ ᱚᱠᱛᱮ) ᱡᱩᱫᱤ ᱱᱟᱵᱟᱞᱚᱠ ᱠᱟᱱᱟᱭ

ᱜ) ᱢᱤᱫ ᱜᱟᱨᱡᱚᱱ ᱡᱩᱫᱤ ᱠᱩᱞᱤ ᱚᱪᱚᱜᱤᱡ ᱩᱭᱦᱟᱹᱨ ᱛᱮ ᱟᱨ ᱦᱚᱲᱢᱚ ᱛᱮ ᱚᱠᱚᱰᱟ ᱜᱮᱭᱟ

ᱚᱞᱟᱜ ᱜᱮ ᱞᱟᱹᱠᱛᱤ
ᱵᱷᱤᱰᱤᱭᱚ/ᱯᱷᱚᱴᱚ ᱨᱮ ᱞᱟᱹᱞᱟᱹᱭ ᱤᱡ ᱢᱮᱫᱦᱟᱶ ᱵᱟᱭ ᱫᱮᱠᱷᱟᱣ ᱮᱫᱟ ᱟᱨ ᱵᱟᱝᱠᱷᱟᱱ ᱧᱩᱛᱩᱢ, ᱵᱩᱴᱟᱹ, ᱡᱟᱭᱜᱟ ᱟᱨ ᱦᱚᱲ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱮᱫ ᱠᱷᱟᱱ ᱨᱮᱵᱮᱱ ᱥᱟᱠᱟᱢ ᱵᱟᱝ ᱞᱟᱹᱠᱛᱤᱭᱟ ᱡᱩᱫᱤ ᱨᱮᱠᱚᱰᱤᱝ ᱫᱷᱚᱨᱚᱢ, ᱞᱟᱠᱪᱟᱨ, ᱯᱩᱱᱟᱹᱭ ᱛᱷᱟᱱ, ᱵᱚᱝᱜᱟ ᱵᱩᱨᱩ ᱵᱟᱵᱚᱛ ᱠᱟᱱ ᱠᱷᱟᱱ ᱨᱚᱲ ᱦᱮᱸᱥᱤᱠᱟᱹᱨ ᱨᱮᱠᱚᱰ ᱫᱚᱦᱚ ᱱᱟᱯᱟᱭᱟ ᱾

ᱪᱮᱛᱟᱱ ᱨᱮ ᱚᱞ ᱟᱠᱟᱱ ᱞᱮᱠᱟ ᱟᱨᱦᱚᱸ ᱟᱹᱰᱤ ᱞᱮᱠᱟᱱ ᱯᱚᱨᱤᱥᱛᱷᱤᱛᱤ ᱦᱩᱭ ᱫᱟᱲᱮᱭᱟᱜ᱐ᱟ ᱾ ᱟᱨᱦᱚᱸ ᱢᱤᱢᱤᱫ ᱚᱠᱛᱚ ᱫᱚ ᱢᱟᱬᱟᱝ ᱨᱮ ᱦᱮᱸᱥᱤᱠᱟᱹᱨ ᱧᱟᱢ ᱵᱟᱝ ᱥᱚᱢᱵᱷᱚᱵᱚᱜ-ᱟ ᱾ ᱱᱚᱝᱠᱟᱱ ᱚᱠᱛᱚ ᱨᱮᱫᱚ ᱨᱮᱠᱚᱰᱤᱝ ᱩᱠᱩ ᱨᱮ ᱫᱚᱦᱚ ᱦᱟᱱᱛᱟᱲ ᱞᱟᱹᱠᱛᱤ ᱟᱨ ᱦᱮᱸᱥᱤᱠᱟᱹᱨ ᱞᱚᱜᱚᱱ ᱟᱹᱜᱩᱭ ᱞᱟᱹᱠᱛᱤ ᱾ ᱟᱨ ᱡᱩᱫᱤ ᱞᱟᱹᱠᱛᱤ ᱠᱷᱟᱱ ᱫᱚ ᱦᱮᱸᱥᱤᱠᱟᱹᱨ ᱧᱟᱢ ᱵᱤᱞᱚᱢ ᱨᱮᱭᱟᱜ ᱠᱟᱨᱚᱱ ᱵᱚᱵᱚᱛ ᱦᱚᱸ ᱦᱚᱲ ᱠᱚ ᱵᱟᱰᱟᱭ ᱚᱪᱚ ᱠᱚ ᱞᱟᱹᱠᱛᱤ ᱾ ᱡᱩᱫᱤ ᱦᱮᱸᱥᱤᱠᱟᱹᱨ ᱵᱟᱝ ᱧᱟᱢ ᱟᱠᱟᱱᱟ ᱮᱱᱠᱷᱟᱱ ᱱᱚᱶᱟ ᱨᱮᱠᱚᱰᱤᱝ ᱵᱟᱝ ᱵᱮᱣᱦᱟᱨ ᱦᱟᱱᱛᱟᱲ ᱞᱟᱹᱠᱛᱤ ᱾ ᱚᱱᱟ ᱵᱚᱫᱚᱞ ᱛᱮ ᱨᱮᱠᱚᱰᱤᱝ ᱫᱚ ᱰᱤᱞᱤᱴ ᱠᱟᱜ ᱞᱟᱹᱠᱛᱤ ᱾ ᱡᱩᱫᱤ ᱨᱮᱠᱚᱰᱤᱝ ᱫᱚ ᱨᱚᱲ ᱛᱮᱭᱟᱜ ᱠᱟᱱᱟ ᱮᱱᱠᱷᱟᱱ ᱡᱟᱦᱟᱸᱭ ᱮ ᱨᱚᱲ ᱟᱠᱟᱫᱟ ᱩᱱᱤ ᱵᱟᱵᱚᱛ ᱡᱚᱛᱚᱣᱟᱜ ᱨᱮᱠᱚᱰ ᱫᱚᱦᱚᱭ ᱞᱟᱹᱠᱛᱤ ᱾ ᱱᱟᱦᱟᱜ ᱡᱩᱜᱽ ᱨᱮᱭᱟᱜ ᱴᱩᱞ ᱚᱝᱥᱟᱨ ᱦᱚᱲ ᱵᱟᱵᱚᱛ ᱵᱟᱹᱲᱛᱤ ᱵᱟᱰᱟᱭ ᱫᱚ ᱟᱞᱜᱟ ᱜᱮᱭᱟ ᱾ ᱚᱱᱟᱛᱮ ᱠᱮᱴᱮᱡ ᱥᱟᱹᱦᱤᱡ ᱨᱚᱲᱚᱜ ᱠᱟᱱᱟ ᱡᱮ ᱦᱮᱸᱥᱤᱠᱟᱹᱨ ᱵᱮᱜᱚᱨ ᱫᱚ ᱠᱚᱱᱴᱮᱱᱴ ᱵᱟᱝ ᱯᱟᱨᱥᱟᱞ ᱞᱟᱹᱠᱛᱤ ᱾

ᱱᱚᱰᱮ ᱵᱟᱰᱟᱭ ᱠᱟᱜ ᱞᱟᱹᱠᱛᱤ ᱡᱮ ᱦᱮᱸᱥᱤᱠᱟᱹᱨ ᱫᱚ ᱠᱷᱟᱹᱞᱤ ᱟᱹᱭᱤᱱ ᱨᱮᱭᱟᱜ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱵᱚᱨᱚᱢ ᱥᱟᱶᱛᱟ ᱨᱮᱭᱟᱜ, ᱱᱤᱛᱤ ᱨᱮᱭᱟᱜ ᱦᱚᱸ ᱠᱟᱱᱟ ᱾ ᱚᱱᱟᱛᱮ ᱱᱚᱶᱟ ᱮᱜᱽᱨᱤᱢᱮᱱᱴ ᱫᱚ ᱟᱹᱰᱤ ᱥᱚᱱᱛᱚᱨ ᱛᱮ ᱜᱟᱞᱢᱟᱨᱟᱣ ᱟᱛᱮ ᱠᱚᱨᱟᱣ ᱞᱟᱹᱠᱛᱤ ᱾

ᱨᱟᱭᱤᱴᱥ: ᱠᱚᱯᱤᱨᱟᱭᱤᱴ, ᱢᱚᱨᱟᱞ ᱨᱟᱭᱤᱴ ᱟᱨ ᱮᱟᱴᱜ ᱚᱣᱱᱟᱨᱥᱤᱯ ᱨᱟᱭᱤᱴᱥ ᱠᱚ[edit | edit source]

ᱠᱳᱯᱤᱨᱟᱭᱤᱴ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱥᱟᱛᱟᱢ ᱨᱮᱱᱟᱜ ᱟᱹᱭᱤᱱᱟᱱ ᱢᱟᱹᱞᱤᱠᱟᱱᱟ ᱾ ᱱᱚᱣᱟ ᱫᱚ ᱡᱟᱦᱟᱱ ᱠᱟᱹᱢᱤ ᱨᱮᱱᱟᱜ ᱟᱹᱭᱤᱱ ᱟᱱ ᱫᱟᱲᱮ ᱮᱢᱚᱜᱼᱟᱭ ᱡᱮᱢᱚᱱ ᱚᱱᱟ ᱠᱟᱹᱢᱤ ᱟᱨ ᱢᱤᱫ ᱦᱚᱲ ᱪᱮᱫ ᱞᱮᱠᱟᱭ ᱵᱮᱵᱷᱟᱨᱼᱟ ᱚᱱᱟ ᱴᱷᱟᱹᱣᱠᱟᱹᱜᱼᱟ ᱾ ᱥᱟᱫᱷᱟ ᱛᱮ ᱢᱮᱱ ᱞᱮᱠᱷᱟᱱ ᱠᱳᱯᱤᱨᱟᱭᱤᱴ ᱫᱚ ᱢᱤᱫ ᱥᱟᱛᱟᱢ ᱨᱮᱱᱟᱜ ᱵᱮᱼᱟᱹᱭᱤᱱ ᱵᱮᱵᱷᱟᱨ ᱮ ᱫᱩᱜᱼᱟ ᱾ ᱥᱟᱹᱥᱤ ᱢᱮᱱ ᱞᱮᱠᱷᱟᱱ ᱠᱳᱯᱤᱨᱟᱭᱤᱴ ᱫᱚ ᱟᱹᱰᱤ ᱜᱷᱟᱧᱟᱼᱜᱷᱟᱹᱨᱩᱣᱟᱹ ᱥᱟᱛᱟᱢ ᱠᱟᱱᱟ ᱾ ᱯᱟᱹᱨᱥᱤ ᱰᱚᱠᱩᱢᱮᱱᱴᱮᱥᱚᱱ ᱨᱮ ᱰᱚᱠᱩᱢᱮᱱ ᱟᱠᱟᱱ ᱥᱟᱛᱟᱢ ᱨᱮᱱᱟᱜ ᱢᱟᱹᱞᱤᱠᱟᱱᱟ ᱤᱫᱤᱭᱟᱛᱮ ᱞᱮᱛᱟᱲ ᱫᱚᱦᱟ ᱵᱚᱦᱟ ᱛᱟᱦᱮᱱᱼᱟ ᱾ ᱚᱱᱰᱮ ᱟᱹᱰᱤ ᱫᱷᱟᱯ ᱨᱮᱱᱟᱜ ᱟᱹᱭᱫᱟᱹᱨᱤ ᱛᱟᱦᱮᱱᱟ ᱾ ᱱᱚᱭᱛᱤᱠ ᱟᱹᱭᱫᱟᱹᱨ ᱟᱨ ᱠᱚᱯᱤ ᱨᱟᱭᱤᱴ ᱤᱫᱤᱭᱟᱛᱮ ᱞᱮᱛᱟᱲ ᱜᱮ ᱜᱟᱞᱚᱪ ᱪᱟᱞᱟᱜᱼᱟ ᱾ ᱱᱚᱭᱛᱤᱠ ᱟᱹᱭᱫᱟᱹᱨ ᱫᱚ ᱡᱟᱦᱟᱸᱭ ᱥᱟᱛᱟᱢ ᱮ ᱥᱟᱯᱲᱟᱣ ᱟᱠᱟᱫᱼᱟ ᱩᱱᱤᱭᱟᱜ ᱟᱹᱭᱫᱟᱹᱨ ᱠᱟᱱᱟ ᱾

ᱜᱷᱚᱴᱚᱱ ᱯᱟᱲᱦᱟᱣ: ᱠᱳᱞᱳᱢᱵᱤᱭᱟ ᱨᱮ ᱦᱚᱲ ᱥᱮᱨᱮᱧ ᱨᱮᱠᱚᱰᱽ[edit | edit source]

ᱢᱤᱫ ᱠᱟᱹᱢᱤ ᱪᱮᱛᱟᱱᱨᱮᱱᱟᱜ ᱟᱹᱭᱫᱟᱹᱨᱤ ᱵᱩᱡᱷᱟᱹᱣ ᱞᱟᱹᱜᱤᱫ ᱠᱳᱞᱳᱢᱵᱤᱭᱟ ᱨᱮᱱᱟᱜ ᱢᱤᱫ ᱫᱟᱹᱭᱠᱟᱹ ᱵᱚᱱ ᱧᱮᱞᱼᱟ ᱾ ᱢᱤᱫ ᱡᱩᱣᱟᱹᱱ ᱠᱚᱲᱟ ᱟᱡ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱵᱟᱵᱟ ᱦᱟᱜ ᱨᱮᱠᱚᱰᱽ ᱟᱠᱟᱱ ᱥᱮᱨᱮᱧ ᱠᱮᱥᱮᱴ ᱮ ᱧᱟᱢ ᱠᱮᱫᱼᱟ ᱾ ᱨᱮᱠᱚᱰᱤᱝ ᱫᱚ ᱢᱤᱫ ᱭᱩᱨᱳᱯ ᱨᱤᱱᱤᱡ ᱠᱚᱸᱫᱨᱚᱸᱫᱤᱭᱟᱹ ᱨᱮᱠᱚᱰᱤᱝ ᱞᱮᱫᱼᱟ ᱾ ᱥᱮᱨᱮᱧ ᱫᱚ ᱚᱱᱟ ᱥᱩᱯᱩᱨ ᱨᱤᱱ ᱜᱩᱴ ᱦᱚᱲ ᱦᱚᱸᱠᱚ ᱵᱟᱰᱟᱭ ᱛᱟᱦᱮᱸᱫ ᱾ ᱩᱱᱤ ᱠᱚᱲᱟ ᱚᱱᱟ ᱴᱮᱯ ᱮ ᱧᱟᱢ ᱠᱮᱫ ᱛᱟᱭᱚᱢ ᱚᱱᱟ ᱥᱮᱨᱮᱧ ᱨᱮᱱᱟᱜ ᱰᱤᱡᱤᱴᱟᱞ ᱨᱩᱯ ᱮ ᱡᱩᱛ ᱠᱮᱫᱼᱟ ᱟᱨ ᱤᱱᱴᱚᱨᱱᱮᱴ ᱨᱮ ᱞᱟᱫᱮ ᱠᱮᱫᱼᱟ ᱾

ᱚᱱᱟ ᱧᱮᱞ ᱛᱮ ᱟᱠᱚ ᱚᱲᱟᱜ ᱦᱚᱲ ᱠᱚ ᱮᱫᱽᱨᱚ ᱮᱱᱟ ᱾ ᱱᱚᱰᱮ ᱱᱚᱣᱟᱨᱮ ᱯᱩᱱ ᱞᱮᱠᱟᱱᱟᱜ ᱢᱟᱹᱞᱤᱠᱟᱱᱟ ᱢᱮᱱᱟᱜᱼᱟ ᱺ
“Who Owns The Content” is a short film which rotates around a central question on ownership of oral culture.

ᱚ) ᱱᱚᱭᱛᱤᱠ ᱟᱹᱭᱫᱟᱹᱨ ᱡᱟᱦᱟᱸ ᱜᱩᱴ ᱨᱤᱱ ᱦᱚᱲ ᱠᱚ ᱥᱮᱨᱮᱧ ᱵᱟᱲᱟᱮᱫᱟ ᱟᱨ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱵᱟᱵᱟ ( ᱥᱮᱨᱮᱧᱤᱭᱟ/ᱞᱟᱹᱞᱟᱹᱭᱤᱡ ᱡᱟᱦᱟᱸᱭ ᱯᱚᱨᱢᱟᱬ ᱮᱫᱟ ᱥᱮᱨᱮᱧ ᱢᱮᱱᱟᱜᱼᱟ ᱢᱮᱱᱛᱮᱫ)
ᱛ) ᱨᱮᱠᱚᱰᱤᱝ ᱥᱩᱢᱩᱝ ᱨᱮᱭᱟᱜ ᱠᱳᱯᱤᱨᱟᱭᱤᱴ ᱫᱚ ᱠᱚᱸᱫᱽᱨᱚᱸᱫᱤᱭᱟᱹ ᱴᱷᱮᱫ ᱛᱟᱦᱮᱱᱟ ᱡᱩᱫᱤ ᱟᱡ ᱟᱡᱟᱜ ᱠᱟᱹᱣᱰᱤ ᱛᱮ ᱨᱮᱠᱚᱰ ᱟᱠᱟᱫᱟᱭ, ᱟᱨ ᱵᱟᱝ ᱠᱷᱟᱱ ᱵᱚᱸᱜᱟ ᱛᱟᱞᱟᱟᱠᱟᱱ ᱵᱟᱵᱟ ( ᱡᱩᱫᱤ ᱨᱮᱠᱚᱰᱤᱝ ᱵᱟᱠᱷᱨᱟ ᱠᱟᱹᱣᱰᱤ ᱮᱢ ᱟᱠᱟᱫᱟᱭ ), ᱟᱨ ᱵᱟᱝᱠᱷᱟᱱ ᱚᱱᱟ ᱯᱨᱚᱛᱤᱥᱴᱷᱟᱱ ᱡᱟᱦᱟᱸᱭ ᱠᱚᱸᱫᱨᱚᱸᱫᱤᱭᱟᱭᱹ ᱵᱟᱦᱟᱞ ᱟᱠᱟᱫᱮᱭᱟ ᱾
ᱜ) ᱧᱟᱢ ᱟᱠᱟᱱ ᱨᱮᱠᱚᱰᱤᱝ (ᱠᱮᱥᱮᱴ ᱴᱮᱯ) ᱨᱤᱱᱤᱡ ᱢᱟᱹᱞᱤᱠ ᱫᱚ ᱡᱩᱣᱟᱹᱱ ᱠᱚᱲᱟ ᱟᱨ ᱟᱡ ᱵᱟᱵᱟ ᱨᱤᱱ ᱡᱟᱦᱟᱸᱭ ᱵᱚᱭᱦᱟ ᱵᱚᱸᱥᱚ ᱠᱚ ᱢᱮᱱᱟᱜ ᱠᱚ ᱠᱷᱟᱱ ᱾

ᱪᱮᱛᱟᱱ ᱨᱮᱱᱟᱜ ᱜᱷᱚᱴᱚᱱ ᱨᱮ ᱠᱳᱯᱤᱨᱟᱭᱤᱴ ᱫᱚ ᱵᱟᱝ ᱵᱟᱰᱟᱭᱚᱜ ᱠᱟᱱᱟ ᱾ ᱠᱳᱯᱤᱨᱟᱭᱤᱴ ᱫᱟᱹᱵᱤ ᱞᱟᱹᱜᱤᱫ ᱟᱨ ᱚᱱᱟ ᱯᱚᱨᱢᱟᱬ ᱞᱟᱹᱜᱤᱫ ᱟᱨ ᱦᱚᱸ ᱛᱚᱫᱚᱱᱛᱚ ᱞᱟᱹᱠᱛᱤ ᱠᱟᱱᱟ ᱾

Short film "Public Domain Day" explaining how Public Domain works.

ᱠᱳᱯᱤᱨᱟᱭᱤᱴ ᱫᱚ ᱡᱟᱦᱟᱱᱭ ᱡᱟᱦᱟᱱᱟᱜ ᱯᱩᱭᱞᱩᱭ ᱵᱮᱱᱟᱣᱠᱟᱜᱟᱭ ᱩᱱᱤᱭᱟᱜ ᱡᱤᱭᱚᱱᱵᱷᱩᱨ ᱛᱟᱦᱮᱱᱟ, ᱟᱨ ᱛᱤᱱᱟᱝᱜᱟᱱ ᱨᱮ ᱜᱚᱡ ᱮᱱ ᱛᱟᱭᱚᱢ ᱦᱚᱸ ᱛᱟᱦᱮᱱ ᱜᱮᱭᱟ ᱾ ᱚᱱᱟ ᱛᱟᱭᱚᱢ, ᱫᱤᱥᱩᱣᱟᱹ ᱪᱷᱟᱢᱰᱟᱨᱮ ᱚᱱᱟ ᱠᱟᱹᱢᱤ ᱪᱟᱞᱟᱜᱼᱟ ᱾ ᱵᱷᱮᱜᱟᱨ ᱵᱷᱮᱜᱟᱨ ᱫᱤᱥᱚᱢ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱮᱞ ᱥᱮᱨᱢᱟ ᱫᱷᱟᱹᱵᱤᱡ ᱠᱳᱯᱤᱨᱟᱭᱤᱴ ᱛᱟᱦᱮᱱᱟ ( ᱱᱚᱰᱮ ᱛᱟᱹᱞᱠᱟᱹ ᱧᱮᱞ ᱢᱮ ) ᱾ ᱠᱳᱯᱤᱨᱟᱭᱤᱴ ᱞᱟᱹᱜᱤᱫ ᱨᱮᱡᱤᱥᱴᱨᱮᱥᱚᱱ ᱫᱚ ᱵᱟᱝ ᱞᱟᱹᱠᱛᱤ ᱠᱟᱱᱟ ᱾ ᱡᱟᱦᱟᱱ ᱠᱟᱹᱢᱤ ᱡᱟᱦᱟᱸᱭ ᱵᱮᱱᱟᱣᱼᱮ ᱮᱛᱚᱦᱚᱵ ᱤᱫᱤᱭᱟ ᱟᱡ ᱟᱡ ᱛᱮᱜᱮ ᱚᱱᱟ ᱫᱚ ᱟᱡᱟᱜ ᱠᱳᱯᱤ ᱨᱟᱭᱤᱴ ᱛᱟᱦᱮᱱᱟ ᱾ "©" ᱪᱤᱱᱷᱟᱹ ᱠᱳᱯᱤᱨᱟᱭᱤᱴ ᱟᱠᱟᱱ ᱠᱟᱹᱢᱤ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾
ᱢᱤᱫ ᱟᱹᱭᱤᱱᱼᱟᱱ ᱪᱩᱠᱛᱤ ᱠᱳᱯᱤᱨᱟᱭᱤᱴ ᱨᱤᱱᱤᱡ ᱠᱤᱥᱟᱹᱬ ᱫᱚᱭ ᱚᱠᱚᱭ ᱠᱟᱱᱟ ᱢᱮᱱᱛᱮᱫᱼᱮ ᱴᱷᱟᱹᱣᱠᱟᱭᱟᱭ᱾ ᱥᱟᱫᱷᱟ ᱥᱤᱫᱷᱟᱹ ᱛᱮ ᱺ ᱢᱤᱫ ᱥᱚᱝᱜᱚᱴᱷᱚᱱ ᱨᱮ ᱠᱟᱹᱢᱤᱭᱮᱫ ᱪᱟᱹᱠᱨᱤᱭᱟᱹ ᱟᱡ ᱮᱛᱚᱦᱚᱵ ᱟᱠᱟᱫ ᱢᱤᱫ ᱢᱩᱲᱩᱛ ᱠᱟᱹᱢᱤ ᱥᱟᱹᱛ ᱠᱮᱫᱟᱭ ᱮᱱᱠᱷᱟᱱ ᱟᱡᱟᱜ ᱠᱟᱹᱢᱤ ᱛᱮ ᱡᱟᱦᱟᱸ ᱩᱰᱩᱠ ᱮᱱᱟ ᱚᱱᱟ ᱪᱮᱛᱟᱱ ᱨᱮ ᱪᱟᱹᱠᱨᱤᱭᱟᱹ ᱦᱟᱜ ᱱᱚᱭᱛᱤᱠ ᱦᱚᱠ ᱛᱟᱸᱦᱮᱱᱟ ᱤᱠᱷᱟᱹᱱ ᱠᱳᱯᱤᱨᱟᱭᱤᱴ ᱫᱚ ᱪᱟᱹᱠᱨᱤ ᱮᱢᱚᱜᱤᱡ ᱴᱷᱮᱫ ᱛᱟᱦᱮᱱᱟ ᱾ ᱡᱮᱛᱮ ᱞᱮᱠᱟᱱ ᱥᱚᱸᱜᱚᱴᱷᱚᱱ ᱟᱠᱚᱨᱤᱱ ᱠᱟᱹᱢᱤᱭᱟᱹ ᱠᱚ ᱥᱟᱶ ᱢᱤᱫ ᱥᱟᱢᱮᱞᱟᱭ ᱪᱩᱠᱛᱤ ᱠᱚ ᱥᱟᱯᱲᱟᱣ ᱠᱟᱜᱼᱟ ᱡᱟᱦᱟᱸᱛᱮ ᱛᱟᱭᱚᱢ ᱫᱟᱨᱟᱢ ᱩᱱᱠᱩ ᱛᱩᱞᱩᱡ ᱡᱟᱦᱟᱸ ᱜᱮ ᱠᱟᱹᱢᱤᱼᱟ ᱚᱱᱟ ᱨᱮᱱᱟᱜ ᱟᱹᱭᱫᱟᱹᱨ ᱥᱚᱸᱜᱚᱴᱷᱚᱱ ᱴᱲᱷᱮᱫ ᱛᱟᱦᱮᱱᱟ ᱺ ᱚᱱᱟ ᱞᱮᱠᱟ ᱠᱚᱢᱤᱥᱚᱱ ᱟᱠᱟᱱ ᱠᱟᱹᱢᱤ ᱡᱟᱦᱟᱸᱭ ᱦᱚᱲ/ᱥᱚᱝᱜᱚᱴᱷᱚᱱ ᱚᱱᱟ ᱠᱟᱹᱢᱤ ᱞᱟᱹᱜᱤᱫ ᱠᱚᱢᱤᱥᱚᱱ ᱮ ᱮᱢ ᱟᱠᱟᱫᱼᱟ ᱩᱱᱤ ᱠᱳᱯᱤᱨᱟᱭᱤᱴ ᱠᱟᱜᱼᱟᱭ ᱾

ᱳᱨᱤᱡᱤᱱᱟᱞᱤᱴᱤ ᱟᱨ ᱵᱟᱝ ᱢᱩᱲᱩᱛᱟᱱ ᱫᱚ ᱵᱟᱨ ᱥᱤᱢᱟᱹ ᱛᱟᱞᱟ ᱴᱷᱟᱶ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱾ ᱢᱤᱫ ᱡᱟᱭᱜᱟ ᱨᱮᱱᱟᱜ ᱪᱤᱛᱟᱹᱨ ᱛᱩᱞᱟᱹᱣ ᱫᱚ " ᱢᱩᱲᱩᱛ ᱠᱟᱹᱢᱤ " ᱦᱩᱭᱩᱜᱼᱟ ᱚᱱᱟ ᱠᱷᱟᱹᱛᱤᱨ ᱚᱱᱟ ᱫᱚ ᱠᱳᱯᱤᱨᱟᱭᱤᱴ ᱮᱱᱟ ᱤᱠᱷᱟᱹᱱ ᱢᱤᱫ ᱦᱚᱲ ᱪᱤᱛᱟᱹᱨ ᱵᱮᱱᱟᱣ ᱟᱠᱟᱫᱟ ᱟᱨ ᱚᱱᱟ ᱨᱮᱱᱟᱜ ᱪᱤᱛᱟᱹᱨ ᱟᱨ ᱢᱤᱫ ᱦᱚᱲ ᱮ ᱛᱩᱞᱟᱹᱣ ᱠᱮᱫᱟ ᱫᱚᱥᱟᱨ ᱦᱚᱲᱼᱟ ᱚᱱᱟ ᱫᱚ ᱠᱳᱯᱤᱨᱟᱭᱤᱴ ᱵᱟᱭ ᱦᱩᱭ ᱫᱟᱮ ᱭᱟᱜᱼᱟ ᱾ ᱯᱟᱹᱨᱥᱤ ᱰᱚᱠᱩᱢᱮᱱᱴᱮᱥᱚᱱ ᱨᱮ ᱠᱳᱯᱤᱨᱟᱭᱤᱴ ᱪᱮᱫ ᱞᱮᱠᱟ ᱦᱩᱭᱩᱜᱼᱟ ᱚᱱᱟ ᱨᱮᱱᱟᱜ ᱫᱟᱹᱭᱠᱟᱹ ᱞᱟᱛᱟᱨᱮᱵᱚᱱ ᱧᱮᱞᱼᱟ ᱺ

ᱥᱟᱛᱟᱢ ᱢᱟᱹᱞᱤᱠ (ᱵᱟᱱᱟᱨ ᱠᱳᱯᱤᱨᱟᱭᱤᱴ ᱟᱨ ᱱᱚᱭᱛᱤᱠ ᱟᱹᱭᱫᱟᱹᱨ)
ᱢᱤᱫ ᱦᱚᱲ ᱦᱚᱲᱼᱥᱮᱨᱮᱧ ᱨᱮᱱᱟᱜ ᱵᱷᱤᱰᱤᱭᱳ/ᱚᱰᱤᱭᱳ ᱨᱮᱠᱚᱰᱤᱝ ᱥᱟᱸᱜᱮ ᱢᱟᱹᱞᱤᱠ:

a) ᱡᱩᱫᱤ ᱥᱮᱨᱮᱧ ᱨᱮᱱᱟᱜ ᱢᱩᱲᱩᱛ ᱚᱱᱚᱞᱤᱭᱟᱹ ᱵᱟᱝ ᱵᱟᱰᱟᱭ ᱟᱠᱟᱱᱟ ᱮᱱᱠᱷᱟᱱ ᱥᱮᱨᱮᱧ ᱨᱮᱱᱟᱜ ᱠᱳᱯᱤᱨᱟᱭᱩᱴ ᱫᱚ ᱫᱤᱥᱩᱣᱟᱹ ᱰᱳᱢᱮᱱ ᱛᱨᱮᱱᱟᱜ ᱠᱟᱱᱟ ᱢᱮᱱᱛᱮᱫ ᱵᱩᱡᱷᱟᱹᱣᱼᱟ/

b) ᱞᱟᱹᱞᱟᱹᱭᱤᱡ ᱟᱨ ᱵᱟᱝ ᱥᱮᱨᱮᱧᱤᱡᱼᱟ ᱱᱚᱭᱛᱤᱠ ᱟᱹᱭᱫᱟᱹᱨ ᱛᱟᱦᱮᱱᱟ

c) (ᱵᱟᱝ ᱠᱳᱢᱤᱥᱚᱱ ᱟᱠᱟᱱ ᱠᱟᱹᱢᱤᱨᱮ) ᱮᱠᱟᱞ ᱨᱮᱠᱚᱫᱤᱝ ᱨᱮᱱᱟᱜ ᱠᱳᱯᱤᱨᱟᱭᱤᱴ ᱫᱚ ᱨᱟᱠᱷᱟ ᱫᱚᱦᱚᱭᱤᱡ ᱴᱷᱮᱫ ᱛᱟᱦᱮᱱᱟ ᱟᱨ ᱵᱟᱝ ᱩᱱᱤ ᱦᱚᱲ /ᱵᱟᱝ ᱚᱱᱟ ᱥᱚᱸᱜᱚᱴᱷᱚᱱ ᱡᱟᱦᱟᱸᱭ ᱠᱚᱢᱤᱥᱚ ᱮ ᱮᱢ ᱟᱠᱟᱫᱟ ᱩᱱᱤᱴᱷᱮᱫ ᱛᱟᱦᱮᱱᱟ

ᱞᱟᱠᱪᱟᱨ ᱟᱨ ᱵᱟᱝ ᱥᱟᱶᱛᱟ ᱠᱟᱹᱢᱤᱦᱚᱨᱟ ᱨᱮᱱᱟᱜ ᱵᱷᱤᱰᱤᱭᱳ/ᱚᱰᱤᱭᱳ ᱨᱮᱠᱚᱰᱤᱝ a) ᱚᱱᱟ ᱠᱟᱹᱢᱤᱦᱚᱨᱟ ᱨᱮ ᱥᱮᱞᱮᱫ ᱟᱠᱟᱱ ᱦᱚᱲ ᱟᱨ/ᱟᱨ ᱵᱟᱝ ᱥᱮᱬᱟ ᱜᱩᱴᱼᱟ ᱱᱚᱭᱛᱤᱠ ᱟᱹᱭᱰᱟᱹᱨ ᱢᱮᱱᱟᱜᱼᱟ

b) ᱱᱚᱼᱱᱚᱞᱤᱭᱟᱹ , ᱠᱟᱹᱣᱰᱤ ᱥᱚᱦᱚᱫ ᱦᱚᱲ/ᱥᱚᱝᱜᱚᱴᱷᱚᱱ ᱡᱟᱦᱟᱸ ᱨᱮᱠᱚᱰᱤᱝ ᱨᱤᱱᱤᱡ ᱢᱟᱹᱞᱤᱠ ᱥᱩᱢᱩᱝᱼᱟ ᱜᱮ ᱠᱳᱯᱤᱨᱟᱭᱤᱴ ᱛᱟᱦᱮᱱᱟ

ᱵᱟᱰᱚᱦᱤᱠᱟᱹᱢᱤ, ᱪᱤᱛᱟᱹᱨ ᱡᱩᱛ, ᱢᱩᱴᱷᱟᱹᱱ ᱵᱟᱰᱚᱦᱤᱠᱟᱹᱢᱤ ᱨᱤᱱᱤᱡ ᱢᱩᱲᱩᱛ ᱵᱟᱰᱚᱦᱤ

ᱚᱰᱤᱭᱳ ᱟᱨ ᱵᱟᱝ ᱵᱷᱤᱰᱤᱭᱳ ᱵᱮᱱᱟᱣᱟ ᱡᱚᱦᱚᱜ ( ᱫᱟᱹᱭᱠᱟᱹ ᱞᱮᱠᱟᱛᱮ ᱵᱮᱣᱨᱟ ᱥᱟᱠᱟᱢ ᱨᱮᱱᱟᱜ ᱜᱮᱫ, ᱥᱴᱚᱠ ᱪᱤᱛᱟᱹᱨᱹ ᱚᱰᱤᱭᱳ ᱟᱨ ᱵᱟᱝ ᱵᱷᱤᱰᱤᱭᱳ ᱯᱷᱩᱴᱮᱡ) ᱜᱚᱲᱚ ᱥᱟᱢᱟᱱ ᱞᱮᱠᱟ ᱛᱮ ᱵᱮᱵᱷᱟᱨᱚᱜᱼᱟ ᱾ ᱵᱮᱯᱟᱨ ᱱᱟᱯᱤᱛ ᱛᱮ ᱱᱚᱣᱟ ᱠᱚᱢ ᱵᱮᱵᱷᱟᱨ ᱠᱷᱟᱱ ᱚᱱᱟ ᱠᱚᱨᱮᱱᱟ ᱢᱟᱹᱞᱤᱠ ᱴᱷᱮᱫ ᱠᱷᱚᱱ ᱠᱳᱯᱤᱨᱟᱭᱤᱴ ᱨᱮᱱᱟᱜ ᱟᱹᱭᱫᱟᱹᱨ ᱠᱚᱭ ᱦᱩᱭᱩᱜᱼᱟ ᱾ᱱᱚᱝᱠᱟᱱᱟᱜ ᱟᱹᱰᱤᱜᱟᱱ ᱠᱟᱹᱢᱤ (ᱭᱩᱱᱟᱭᱴᱮᱰ ᱥᱴᱮᱴᱥ ᱨᱮ ) ᱮᱴᱟᱜ ᱦᱚᱲ ᱛᱩᱞᱩᱡ "ᱱᱟᱯᱟᱭ ᱵᱮᱵᱷᱟᱨ" ᱛᱟᱹᱨᱤ ᱨᱮ ᱟᱨ (ᱮᱴᱟᱜ ᱫᱤᱥᱚᱢ) ᱠᱚᱨᱮ ᱫᱚ "ᱱᱟᱯᱟᱭ ᱠᱟᱨᱵᱟᱨ" ᱛᱟᱹᱨᱤ ᱨᱮ ᱠᱳᱯᱤ ᱨᱟᱭᱤᱴ ᱟᱹᱭᱫᱟᱹᱨ ᱦᱟᱛᱟᱣ ᱟᱠᱟᱱᱟ ᱾ ᱡᱚᱠᱷᱚᱱ ᱱᱚᱣᱟ ᱵᱟᱱᱟᱨ ᱯᱟᱦᱴᱟ ᱨᱮᱱᱟᱜ ᱥᱤᱢᱟᱹ ᱛᱟᱞᱟ ᱥᱟᱛᱟᱢ ᱠᱟᱱᱟ ᱚᱱᱟᱛᱮ ᱠᱳᱯᱤᱨᱟᱭᱤᱴ ᱵᱷᱟᱱᱜᱚᱲ ᱨᱮᱱᱟᱜ ᱵᱚᱛᱚᱨ ᱛᱟᱦᱮᱱᱟ᱾
ᱱᱚᱰᱮ ᱠᱳᱯᱤᱨᱟᱭᱤᱴ ᱨᱮᱱᱟᱜ ᱯᱷᱟᱹᱨᱪᱟᱹ ᱫᱷᱟᱨᱟ ᱱᱚᱢᱩᱱᱟ ᱫᱚᱦᱚᱭᱮᱱᱟ ᱾ ᱢᱤᱫᱴᱟᱝ ᱯᱟᱹᱨᱥᱤ ᱨᱮ ᱚᱰᱤᱭᱳ/ᱵᱷᱤᱰᱤᱭᱳ ᱨᱮᱠᱚᱰᱤᱝ ᱡᱚᱦᱚᱜ ᱚᱱᱟ ᱠᱟᱹᱢᱤ ᱵᱮᱵᱷᱟᱨ ᱟᱨ ᱵᱟᱝ ᱦᱟᱹᱴᱤᱧ ᱞᱟᱹᱜᱤᱫ ᱚᱞ ᱟᱛᱮ (ᱟᱨ ᱵᱟᱝ ᱨᱚᱲ ᱟᱛᱮ ᱵᱷᱤᱰᱤᱭᱳ ᱟᱛᱮᱫ ᱠᱷᱟᱱ ᱱᱟᱯᱟᱭᱚᱜᱼᱟ ) ᱟᱹᱭᱫᱟᱹᱨᱤ ᱠᱚᱭ ᱦᱩᱭᱩᱜᱼᱟ ᱾ᱫᱤᱥ ᱦᱩᱫᱤᱥ ᱞᱮᱠᱟᱛᱮ ᱚᱱᱟ ᱯᱷᱚᱨᱚᱢ ᱨᱮ ᱠᱨᱤᱭᱮᱴᱤᱵ ᱠᱳᱢᱚᱱᱥ ᱟᱴᱨᱤᱵᱩᱥᱚᱱᱼᱥᱮᱭᱟᱨ ᱞᱟᱭᱤᱠ ᱔ᱹ᱐ ᱤᱱᱴᱚᱨᱱᱮᱥᱚᱱᱟᱞ (CC-BY-SA 4.0) ᱞᱟᱭᱥᱮᱱᱥ ᱥᱮᱞᱮᱫ ᱟᱠᱟᱱᱟ ᱾ᱤᱠᱷᱟᱹᱱ ᱟᱢᱟᱜ ᱴᱷᱟᱹᱣᱠᱟᱹ ᱠᱟᱹᱢᱤ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱞᱟᱭᱥᱮᱱᱥ ᱮᱢ ᱵᱮᱵᱷᱟᱨ ᱫᱟᱲᱮᱭᱟᱜ ᱼᱟ ᱡᱟᱦᱟᱸ ᱚᱱᱟ ᱠᱟᱹᱢᱤ ᱞᱟᱹᱜᱤᱫ ᱞᱟᱜᱟᱣᱼᱟ ᱾ ᱫᱟᱨᱟ ᱦᱟᱹᱴᱤᱧ ᱨᱮ "ᱳᱯᱮᱱ" /ᱠᱷᱩᱞᱟᱹ ( ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱚᱥᱟᱨ ᱟᱨ ᱨᱟᱲᱟ ᱫᱷᱟᱨᱟ ᱵᱮᱣᱨᱟ ᱦᱟᱹᱴᱤᱧ ᱨᱮᱱᱟᱜ ᱫᱟᱣ ᱮ ᱮᱢᱚᱜᱼᱟ ) ᱞᱟᱭᱥᱮᱱᱥᱠᱚ ᱤᱫᱤᱭᱟᱛᱮ ᱵᱟᱹᱲᱛᱤ ᱜᱟᱞᱚᱪ ᱟᱠᱟᱱᱟ ᱾

ᱞᱟᱭᱥᱮᱱᱥᱤᱝ: ᱯᱟᱵᱽᱞᱤᱠ ᱞᱟᱭᱥᱮᱱᱥᱮᱥ ᱟᱨ ᱚᱯᱮᱱ ᱞᱟᱭᱥᱮᱱᱥ[edit | edit source]

ᱞᱟᱦᱟ ᱨᱮᱭᱟᱜ ᱦᱟᱹᱴᱤᱧ ᱨᱮ ᱟᱢᱮᱢ ᱯᱟᱲᱦᱟᱣ ᱠᱮᱫᱟ ᱡᱮ ᱪᱮᱫ ᱞᱮᱠᱟ ᱠᱚᱱᱴᱮᱱᱴ ᱠᱚ ᱠᱚᱯᱤᱨᱟᱭᱤᱴ ᱥᱮᱡ ᱛᱮ ᱨᱩᱠᱷᱤᱭᱟᱹ ᱢᱮᱱᱟᱜ-ᱟ᱾ ᱟᱥᱚᱠᱟᱭ ᱛᱮ, ᱟᱢ ᱫᱚ ᱱᱚᱣᱟ ᱵᱮᱣᱦᱟᱨ ᱞᱟᱹᱜᱤᱫ ᱢᱟᱲᱟᱝ ᱠᱩᱞᱤᱡᱚᱝ ᱦᱩᱭᱟᱢᱟ᱾ ᱯᱟᱹᱨᱥᱤ ᱠᱚᱫᱚ ᱟᱥᱚᱠᱟᱭᱛᱮ ᱱᱮ-ᱦᱚᱲ ᱵᱮᱣᱦᱟᱨ ᱞᱟᱹᱜᱤᱫ ᱚᱞ ᱛᱚᱞ ᱫᱚᱦᱚᱜ ᱠᱟᱱᱟ᱾ ᱡᱚᱛᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱫᱚ ᱠᱟᱱᱟ, ᱱᱚᱝᱠᱟᱱ ᱚᱞ ᱛᱚᱞ ᱠᱚᱫᱚ ᱡᱚᱛᱚ ᱜᱚᱜᱚ ᱯᱟᱹᱨᱥᱤ ᱨᱚᱲ ᱦᱚᱲ ᱞᱟᱹᱜᱤᱫ ᱥᱚᱨᱯᱷᱟ ᱜᱮ ᱫᱚᱦᱚ ᱟᱠᱟᱱᱟ᱾ ᱠᱮᱴᱮᱡ ᱠᱚᱯᱤ ᱨᱟᱭᱤᱴ ᱵᱟᱨᱚᱱ ᱛᱟᱦᱮᱸᱞᱮᱱᱠᱷᱟᱱ ᱚᱠᱟ ᱯᱟᱹᱨᱥᱤ ᱛᱮ ᱨᱤᱠᱚᱨᱰ ᱟᱠᱟᱱ ᱡᱤᱱᱤᱥ ᱠᱷᱩᱞᱟᱹ ᱟᱨ ᱢᱚᱥᱛᱮ (ᱯᱷᱨᱤ) ᱛᱮ ᱵᱮᱣᱦᱟᱨ ᱨᱮᱭᱟᱜ ᱟᱝᱜᱚᱪ (ᱯᱟᱨᱢᱤᱥᱚᱱ) ᱵᱟᱝ ᱧᱟᱢᱚᱜ-ᱟ᱾ ᱡᱚᱛᱚ ᱵᱮᱵᱷᱟᱨᱤᱭᱟᱹ ᱫᱚ ᱠᱚᱯᱤ ᱨᱟᱭᱤᱴ ᱡᱤᱱᱤᱥ ᱠᱚ ᱟᱹᱱ-ᱟᱹᱨᱤ ᱦᱚᱨᱟ ᱛᱮ ᱚᱠᱟ ᱞᱮᱠᱟ ᱵᱮᱣᱦᱟᱨ ᱦᱩᱭᱩᱜ-ᱟ ᱚᱱᱟ ᱠᱟᱛᱷᱟ ᱫᱚ ᱵᱟᱠᱚ ᱵᱟᱰᱟᱭᱟ᱾ ᱱᱚᱝᱠᱟ ᱞᱮᱠᱟ, ᱡᱚᱛᱚ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱚ (ᱜᱟᱭᱱᱟᱦᱟ, ᱚᱱᱚᱞᱤᱭᱟᱹ, ᱱᱟᱪᱚᱱᱤᱭᱟᱹ ᱮᱢᱟᱱ) ᱦᱚᱸ ᱱᱚᱣᱟ ᱠᱟᱛᱷᱟ ᱵᱟᱠᱚ ᱵᱟᱰᱟᱭᱟ ᱡᱮ ᱩᱢᱠᱚᱣᱟᱜ ᱠᱟᱹᱢᱤ ᱞᱟᱹᱜᱤᱫ ᱚᱠᱟᱴᱟᱜ ᱞᱟᱭᱥᱮᱱᱥ ᱠᱚ ᱵᱮᱣᱦᱟᱨᱟ ᱱᱚᱣᱟ ᱦᱚᱸ ᱵᱟᱠᱚ ᱵᱟᱰᱟᱭᱟ। ᱡᱩᱫᱤ ᱠᱟᱹᱢᱤ ᱩᱪᱷᱟᱹᱱ ᱚᱠᱛᱮ ᱨᱮ ᱚᱱᱟ ᱠᱷᱟᱥ ᱞᱟᱭᱥᱮᱱᱥ ᱵᱟᱝ ᱥᱚᱫᱚᱨ ᱞᱮᱱᱠᱷᱟᱱ, ᱛᱚᱵᱮ ᱟᱡ ᱛᱮᱜᱮ ᱠᱚᱯᱤ ᱨᱟᱭᱤᱴᱚᱜ-ᱟ᱾ ᱱᱚᱝᱠᱟᱱ ᱥᱟᱛᱷᱟᱢ ᱨᱮᱫᱚ "ᱚᱞ ᱨᱟᱭᱤᱴ ᱨᱤᱡᱟᱨᱣᱮᱰ" ᱚᱞ ᱛᱟᱦᱮᱸᱱᱟ᱾ ᱮᱱᱨᱮ ᱦᱚᱸ, ᱟᱫᱚᱢ ᱠᱚᱯᱤ ᱨᱟᱭᱤᱴ ᱯᱟᱹᱨᱥᱤ ᱚᱞ ᱛᱚᱞ (language documentations) ᱨᱮ ᱵᱷᱩᱞ ᱛᱮ ᱟᱭᱢᱟ ᱜᱚᱜᱚ ᱯᱟᱹᱨᱥᱤ ᱨᱚᱨᱚᱲ ᱦᱚᱲ ᱟᱠᱚᱣᱟᱜ ᱠᱟᱹᱢᱤ ᱨᱮ ᱦᱟᱛᱟᱣ ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱮᱴᱠᱮᱴᱚᱬᱮ ᱠᱚ ᱥᱟᱢᱟᱝ ᱫᱟᱯᱨᱟᱢ ᱦᱩᱭᱩᱜ ᱠᱟᱱᱟ᱾ ᱱᱚᱝᱠᱟ ᱛᱮ ᱟᱫᱚᱢ ᱱᱟᱥᱮ ᱩᱛᱷᱱᱟᱹᱣ ᱯᱟᱹᱨᱥᱤ ᱦᱟᱨᱟ ᱵᱩᱨᱩᱜ ᱨᱮ ᱡᱟᱝᱜᱮ ᱫᱟᱨᱟᱢᱚᱜ ᱠᱟᱱᱟ᱾ ᱚᱱᱟ ᱛᱮ, ᱡᱟᱸᱦᱟᱸ ᱛᱤᱱ ᱨᱮᱜᱮ ᱦᱩᱭ ᱫᱟᱲᱮᱭᱟᱜ, ᱟᱢ ᱫᱚ ᱠᱷᱩᱞᱟᱹ ᱞᱟᱭᱥᱮᱱᱥ ᱵᱮᱣᱦᱟᱨ ᱞᱟᱹᱜᱤᱫ ᱮᱢ ᱩᱥᱠᱩᱨ ᱚᱪᱚᱜ ᱠᱟᱱᱟ᱾ ᱢᱮᱱᱠᱷᱟᱱ ᱟᱫᱚᱢ ᱵᱟᱝ ᱠᱷᱩᱞᱟᱹ ᱯᱟᱵᱽᱞᱤᱠ ᱞᱟᱭᱥᱮᱱᱥ ᱦᱚᱸ ᱢᱮᱱᱟᱜ-ᱟ᱾ ᱫᱮᱞᱟ ᱟᱫᱚ ᱯᱟᱹᱦᱤᱞ ᱨᱮ ᱟᱭᱢᱟ ᱞᱮᱠᱟᱱ ᱞᱟᱭᱥᱮᱱᱥ ᱨᱮᱭᱟᱜ ᱩᱱᱩᱨᱩᱢ (definitions) ᱵᱚᱱ ᱵᱟᱰᱟᱭ ᱠᱟᱜ ᱞᱮᱜᱮ᱾

ᱯᱟᱵᱽᱞᱤᱠ ᱞᱟᱭᱥᱮᱱᱥᱮᱥ (Public Licenses)

ᱯᱟᱵᱽᱞᱤᱠ ᱞᱟᱭᱥᱮᱱᱥ ᱥᱮ ᱯᱟᱵᱽᱞᱤᱠ ᱠᱚᱯᱤ ᱨᱟᱭᱤᱴ ᱞᱟᱭᱥᱮᱱᱥ ᱫᱚ ᱱᱮ-ᱦᱚᱲ ᱞᱟᱹᱜᱤᱫ ᱠᱟᱱᱟ᱾ᱱᱚᱝᱠᱟᱱ ᱞᱟᱭᱥᱮᱱᱥ ᱵᱮᱣᱦᱟᱨ ᱠᱟᱛᱮ, ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱫᱚ ᱡᱚᱛᱚ ᱦᱚᱲ ᱵᱮᱣᱦᱟᱨ ᱞᱟᱹᱜᱤᱫ-ᱮ ᱟᱝᱜᱚᱪᱟᱠᱚ (universal permission) ᱠᱟᱱᱟ᱾ ᱚᱠᱟ ᱦᱚᱸ ᱟᱝᱜᱚᱪᱚᱜ ᱠᱷᱟᱥ ᱯᱟᱵᱽᱞᱤᱠ ᱞᱟᱭᱥᱮᱱᱥ (ᱟᱫᱚᱢ ᱦᱚᱲ ᱠᱚ ᱥᱮ ᱟᱫᱚᱢ ᱜᱟᱶᱛᱟ ᱥᱮ ᱟᱫᱚᱢ ᱫᱤᱥᱚᱢ ᱨᱮ ᱱᱟᱜᱟᱨᱤᱭᱟᱹ ᱞᱟᱹᱜᱤᱫ) ᱫᱚ ᱵᱟᱝ ᱢᱮᱱᱚᱜᱚᱜ-ᱟ᱾ ᱚᱯᱮᱱ ᱱᱚᱞᱮᱡᱽ ᱯᱷᱟᱣᱩᱱᱰᱮᱥᱚᱱ (Open Knowledge Foundation) ᱫᱚ recommended ᱜᱚᱲᱦᱚᱱᱟᱱ ᱠᱟᱹᱢᱤ ᱞᱟᱹᱜᱤᱫ ᱚᱯᱮᱱ ᱞᱟᱭᱥᱮᱱᱥ ᱵᱮᱣᱦᱟᱨᱚᱜ-ᱟ ᱠᱷᱩᱞᱟᱹ ᱩᱱᱩᱨᱩᱢ

ᱯᱷᱨᱤ/ᱚᱯᱮᱱ ᱞᱟᱭᱥᱮᱱᱥᱮᱥ (Free/Open Licenses)

ᱱᱤᱭᱟᱹ ᱞᱟᱭᱥᱮᱱᱥ ᱠᱚ ᱫᱚ ᱟᱥᱚᱠᱟᱭ ᱛᱮ ᱚᱯᱮᱱ ᱞᱟᱭᱥᱮᱱᱥ (open licenses) ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ᱾ ᱱᱤᱭᱟᱹ ᱫᱚ Four Essential Freedoms of the Free Software ᱨᱮᱭᱟᱜ ᱩᱢᱩᱞ ᱯᱟᱧᱡᱟ ᱦᱩᱭ ᱟᱠᱟᱱᱟ᱾ ᱱᱚᱝᱠᱟᱱ ᱞᱟᱭᱥᱮᱱᱥ ᱫᱚ ᱡᱚᱛᱚ ᱦᱚᱲ ᱵᱮᱣᱦᱟᱨ, ᱟᱹᱨᱩ-ᱯᱷᱮᱨᱟᱣ, ᱦᱟᱯᱟᱴᱤᱧ ᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱟᱝᱜᱚᱪᱟᱠᱚ ᱜᱮᱭᱟ᱾ ᱡᱩᱫᱟᱹ ᱡᱩᱫᱟᱹ ᱚᱯᱮᱱ ᱞᱟᱭᱥᱮᱱᱥ ᱞᱟᱹᱜᱤᱫ ᱯᱚᱱᱭᱟ ᱯᱷᱩᱨᱜᱟᱹᱞ ᱰᱤᱜᱽᱨᱤ ᱠᱚ ᱢᱮᱱᱟᱜ-ᱟ᱾

ᱠᱨᱤᱭᱮᱴᱤᱵᱽ ᱠᱚᱢᱚᱱᱥ ᱞᱟᱭᱥᱮᱱᱥᱮ (Creative Commons Licenses)

ᱠᱨᱤᱭᱮᱴᱤᱵᱽ ᱠᱚᱢᱚᱱᱥ (ᱦᱩᱰᱤᱧ ᱛᱮ as ᱥᱤᱹᱥᱤᱹ/CC licenses" ᱠᱚ ᱢᱮᱛᱟᱜ ᱠᱟᱱᱟ) ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱞᱟᱭᱥᱮᱱᱥ ᱠᱚ ᱨᱮᱱᱟᱜ ᱢᱤᱫᱴᱮᱱ ᱛᱷᱚᱠ ᱫᱚ ᱟᱥᱚᱠᱟᱭ ᱛᱮ ᱠᱚᱯᱤ ᱨᱟᱭᱤᱴ ᱥᱟᱶ ᱡᱚᱲᱟᱣ ᱠᱟᱹᱢᱤ ᱠᱚ ᱨᱮ ᱵᱮᱣᱦᱟᱨᱚᱜ-ᱟ᱾ ᱥᱤᱹᱥᱤᱹ ᱞᱟᱭᱥᱮᱱᱥ ᱫᱚ ᱚᱱᱚᱞ (text), ᱪᱤᱛᱟᱹᱨ (image) ᱥᱟᱶᱛᱮ ᱮᱴᱟᱜ ᱢᱟᱞᱴᱤ ᱢᱤᱰᱤᱭᱟ ᱵᱟᱡᱟᱱ ᱠᱚ ᱡᱮᱞᱮᱠᱟ ᱳᱰᱤᱭᱚ ᱟᱨ ᱵᱷᱤᱰᱤᱭᱳ ᱥᱮ ᱰᱮᱴᱟᱵᱮᱥ ᱦᱚᱸ ᱮᱢᱟᱱ ᱠᱚ ᱨᱮ ᱦᱚᱸ ᱜᱟᱜ-ᱜᱟᱵᱟᱱᱚᱜ-ᱟ᱾ ᱧᱮᱞ ᱞᱮᱠᱷᱟᱡ ᱵᱚᱱ ᱯᱚᱱᱭᱟ ᱟᱥᱚᱞ ᱠᱨᱤᱭᱮᱴᱤᱵᱽ ᱠᱚᱢᱚᱱᱥ ᱠᱚ ᱢᱮᱱᱟᱜ-ᱟ᱾ ᱞᱟᱛᱟ ᱨᱮᱭᱟᱜ ᱛᱟᱞᱤᱠᱟ ᱠᱷᱚᱱ ᱱᱤᱭᱟᱹ ᱞᱟᱭᱥᱮᱱᱥ ᱤᱫᱤ ᱠᱟᱛᱮ ᱵᱟᱹᱲᱛᱤ ᱯᱩᱥᱴᱟᱹᱣ ᱛᱮ ᱵᱚᱱ ᱵᱟᱰᱟᱭ ᱫᱟᱲᱮᱭᱟᱜ-ᱟ᱾

ᱞᱟᱭᱥᱮᱱᱥ ᱞᱳᱜᱳ, ᱧᱩᱛᱩᱢ ᱟᱨ ᱦᱩᱰᱤᱧ ᱧᱩᱛᱩᱢ ᱪᱮᱫ ᱠᱚ ᱟᱝᱜᱚᱪ ᱜᱮᱭᱟ ᱪᱮᱫ ᱫᱚ ᱵᱟᱝ ᱟᱝᱜᱚᱪᱟ ᱵᱟᱹᱱᱤᱡᱽ ᱵᱮᱣᱦᱟᱨ ᱨᱮ ᱟᱝᱜᱚᱪ
CC0 icon

ᱥᱤᱹᱥᱤ-ᱡᱤᱨᱚ (CC-Zero) ᱥᱮ CC0

  • ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱫᱚ ᱮᱴᱟᱜ ᱦᱚᱲ ᱠᱚ ᱵᱮᱱᱟᱣ ᱫᱚᱦᱲᱟ ᱟᱨ ᱮᱴᱟᱜ ᱵᱮᱵᱮᱱᱟᱣ ᱠᱟᱹᱢᱤ ᱞᱟᱹᱜᱤᱫ-ᱮ ᱟᱝᱜᱚᱪ ᱟᱠᱚᱣᱟ᱾
  • ᱢᱤᱫᱴᱮᱱ ᱵᱮᱵᱷᱟᱨᱤᱭᱟᱹ ᱟᱨᱦᱚᱸ ᱵᱤᱱᱟᱹ ᱜᱚᱱᱚᱝ ᱛᱮ ᱠᱟᱹᱣᱰᱤᱭᱮ ᱟᱨᱡᱟᱣ ᱫᱟᱲᱮᱭᱟᱜ-ᱟ᱾
  • ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱨᱮᱭᱟᱜ ᱞᱟᱹᱠᱛᱤ ᱵᱟᱹᱱᱩᱜ-ᱟ᱾
ᱵᱮᱵᱷᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱚᱝᱠᱟᱱ ᱢᱟᱱᱟ ᱵᱟᱨᱚᱱ ᱵᱟᱹᱱᱩᱜ-ᱟ ᱦᱮᱸ
CC-BY icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ ᱥᱮ CC Attribution ᱥᱮ CC-BY

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:
  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱦᱟᱯᱟᱴᱤᱧ ᱨᱮ
  3. ᱦᱟᱨᱟ-ᱵᱩᱨᱩ ᱧᱚᱜ ᱥᱮ ᱵᱮᱱᱟᱣ ᱫᱚᱦᱲᱟ ᱥᱮ ᱵᱮᱱᱟᱣ ᱟᱹᱨᱩ ᱠᱟᱛᱮ ᱢᱚᱥᱛᱮ (ᱯᱷᱨᱤ) ᱥᱮ ᱠᱟᱹᱣᱰᱤ ᱞᱟᱹᱜᱤᱫ-ᱮ ᱦᱟᱯᱟᱴᱤᱧ ᱫᱟᱲᱮᱭᱟᱜ-ᱟ᱾

ᱪᱮᱛᱟᱱ ᱨᱮᱭᱟᱜ ᱠᱟᱹᱢᱤ ᱠᱚ ᱨᱮ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱫᱚ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ᱾

ᱮᱢ ᱟᱠᱟᱱ ᱞᱟᱭᱥᱮᱱᱥ ᱠᱚ ᱢᱩᱫ ᱨᱮ ᱱᱚᱣᱟ ᱜᱮ ᱵᱟ.ᱲᱛᱤ ᱥᱟᱦᱚᱵ ᱟᱱ ᱠᱟᱱᱟ᱾ ᱱᱤᱭᱟᱹ ᱫᱚ ᱵᱟᱹᱲᱛᱤ ᱯᱟᱨᱥᱟᱞ ᱯᱟᱥᱱᱟᱣ ᱟᱨ ᱞᱟᱭᱥᱮᱱᱥᱟᱱ ᱵᱟᱡᱟᱱ ᱞᱟᱹᱜᱤᱫ ᱟᱝᱜᱚᱪ ᱜᱮᱭᱟ᱾

ᱱᱤᱭᱟᱹ ᱨᱮᱭᱟᱜ ᱢᱮᱱᱮᱛ ᱵᱮᱵᱷᱟᱨᱤᱭᱟᱹ ᱫᱚ ᱚᱠᱟ ᱠᱚ ᱨᱮ ᱠᱟᱹᱢᱤᱭᱟ ᱚᱱᱟ ᱡᱚᱛᱚ ᱴᱷᱟᱶ ᱨᱮᱜᱮ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱦᱩᱭᱩᱜ ᱛᱟᱭᱟ᱾ ᱱᱤᱭᱟᱹ ᱛᱟᱹᱞᱤᱠᱟ ᱨᱮᱭᱟᱜ ᱞᱟᱛᱟᱨ ᱮᱢ ᱟᱠᱟᱱ ᱡᱚᱛᱚ ᱞᱟᱭᱥᱮᱱᱥ ᱠᱚᱨᱮ ᱜᱟᱜ-ᱜᱟᱵᱟᱱᱚᱜ-ᱟ᱾ ᱦᱮᱸ
CC-BY-SA icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ ᱥᱮᱭᱟᱨ-ᱮ-ᱞᱟᱭᱤᱠ ᱥᱮ CC-BY-SA

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:
  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱦᱟᱯᱟᱴᱤᱧ ᱨᱮ
  3. ᱦᱟᱨᱟ-ᱵᱩᱨᱩ ᱧᱚᱜ ᱥᱮ ᱵᱮᱱᱟᱣ ᱫᱚᱦᱲᱟ ᱥᱮ ᱵᱮᱱᱟᱣ ᱟᱹᱨᱩ ᱠᱟᱛᱮ ᱢᱚᱥᱛᱮ (ᱯᱷᱨᱤ) ᱥᱮ ᱠᱟᱹᱣᱰᱤ ᱞᱟᱹᱜᱤᱫ-ᱮ ᱦᱟᱯᱟᱴᱤᱧ ᱫᱟᱲᱮᱭᱟᱜ-ᱟ᱾

ᱵᱮᱵᱷᱟᱨᱤᱭᱟᱹ ᱫᱚ ᱪᱮᱛᱟᱱ ᱨᱮ ᱮᱢ ᱟᱠᱟᱱᱟᱜ ᱵᱮᱣᱦᱟᱨ ᱞᱟᱹᱜᱤᱫ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ ᱟᱨ ᱩᱱᱤ ᱫᱚ ᱟᱥᱚᱞ ᱢᱟᱹᱞᱤᱠᱮ ᱵᱮᱣᱦᱟᱨ ᱟᱠᱟᱫ ᱞᱟᱭᱥᱮᱱᱥ ᱨᱮᱜᱮ ᱩᱪᱷᱟᱹᱱ ᱦᱩᱭᱩᱜ ᱛᱟᱭᱟ᱾

ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱵᱟᱡᱟᱱ ᱵᱮᱲᱵᱟᱜ ᱥᱮ ᱜᱟᱲᱢᱟᱜ ᱠᱟᱛᱮ ᱮᱴᱟᱜ ᱞᱟᱭᱥᱮᱱᱥ ᱛᱟᱵᱮ ᱨᱮ ᱵᱟᱭ ᱩᱪᱷᱟᱹᱱ ᱫᱟᱲᱮᱭᱟᱜ-ᱟ (ᱟᱥᱚᱞ ᱠᱟᱹᱢᱤ ᱨᱮ ᱵᱮᱣᱦᱟᱨ ᱟᱠᱟᱱ ᱡᱚᱠᱷᱟ ᱨᱮ) ᱦᱮᱸ
CC-by-NC icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ-ᱵᱤᱱ ᱰᱮᱨᱤᱵᱷᱮᱴᱤᱵᱽᱥ ᱥᱮ CC Attribution NoCommercial ᱥᱮ CC-BY-NC

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:
  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱦᱟᱯᱟᱴᱤᱧ ᱨᱮ
  3. ᱱᱤᱭᱟᱹ ᱠᱚ ᱠᱟᱹᱢᱤ/ ᱵᱟᱡᱟᱱ ᱫᱚ ᱥᱟᱹᱢᱩᱝ ᱵᱤᱱ-ᱵᱟᱹᱱᱤᱡᱤᱭᱟᱹ ᱢᱚᱱᱮᱡᱚᱝ ᱟᱜ ᱞᱟᱹᱜᱤᱫ ᱮᱢ ᱦᱟᱨᱟ-ᱵᱩᱨᱩ ᱧᱚᱜ ᱥᱮ ᱵᱮᱱᱟᱣ ᱟᱹᱨᱩ ᱥᱮ ᱫᱚᱦᱲᱟ ᱫᱟᱲᱮᱭᱟᱜ-ᱟ (ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱠᱟᱹᱢᱤ/ ᱵᱟᱡᱟᱱ ᱠᱷᱚᱱ ᱥᱮ ᱟᱥᱚᱞ ᱠᱟᱹᱢᱤ/ ᱵᱟᱡᱟᱱ ᱥᱮᱞᱮᱫ ᱠᱟᱛᱮ ᱠᱟᱹᱣᱰᱤ ᱵᱟᱭ ᱟᱨᱡᱟᱣ ᱫᱟᱲᱮᱭᱟᱜ-ᱟ)

ᱪᱮᱛᱟᱱ ᱨᱮ ᱵᱮᱣᱦᱟᱨ ᱞᱟᱹᱜᱤᱫ ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ᱾

ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱠᱟᱹᱢᱤ/ᱵᱟᱡᱟᱱ ᱵᱮᱲᱵᱟᱜ ᱥᱮ ᱜᱟᱲᱢᱟᱜ ᱠᱟᱛᱮ ᱠᱟᱹᱣᱰᱤ ᱵᱟᱭ ᱛᱮᱭᱟᱨ ᱡᱚᱝ ᱫᱟᱲᱮᱭᱟᱜ-ᱟ ᱵᱟᱝ
CC-BY-NC-SA icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ-ᱵᱤᱱ ᱵᱟᱹᱱᱤᱡᱤᱭᱟᱹ ᱥᱮᱭᱟᱨ-ᱮ-ᱞᱟᱭᱤᱠ CC Attribution-Noncommercial ShareAlike ᱥᱮ CC BY-NC-SA

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:
  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱦᱟᱯᱟᱴᱤᱧ ᱨᱮ
  3. ᱱᱤᱭᱟᱹ ᱠᱚ ᱠᱟᱹᱢᱤ/ ᱵᱟᱡᱟᱱ ᱫᱚ ᱥᱟᱹᱢᱩᱝ ᱵᱤᱱ-ᱵᱟᱹᱱᱤᱡᱤᱭᱟᱹ ᱢᱚᱱᱮᱡᱚᱝ ᱟᱜ ᱞᱟᱹᱜᱤᱫ ᱮᱢ ᱦᱟᱨᱟ-ᱵᱩᱨᱩ ᱧᱚᱜ ᱥᱮ ᱵᱮᱱᱟᱣ ᱟᱹᱨᱩ ᱥᱮ ᱫᱚᱦᱲᱟ ᱫᱟᱲᱮᱭᱟᱜ-ᱟ

ᱪᱮᱛᱟᱱ ᱨᱮ ᱵᱮᱣᱦᱟᱨᱚᱜ ᱞᱟᱹᱜᱤᱫ, ᱵᱮᱵᱷᱟᱨᱤᱭᱟᱹ

  • ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ
  • ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱚᱠᱟ ᱠᱚᱯᱤ ᱨᱟᱭᱤᱴ ᱞᱟᱭᱥᱮᱱᱥᱮ ᱵᱮᱣᱦᱟᱨ ᱞᱮᱫᱟ, ᱚᱱᱟ ᱞᱟᱭᱥᱮᱱᱥ ᱦᱚᱛᱮ ᱛᱮᱜᱮ ᱟᱹᱨᱩ ᱠᱟᱹᱢᱤ ᱫᱚ ᱦᱟᱯᱟᱴᱤᱧ ᱦᱩᱭᱩᱜ-ᱟ᱾
ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱵᱟᱡᱟᱱ ᱵᱮᱲᱵᱟᱜ ᱥᱮ ᱜᱟᱲᱢᱟᱜ ᱠᱟᱛᱮ ᱮᱴᱟᱜ ᱞᱟᱭᱥᱮᱱᱥ ᱛᱟᱵᱮ ᱨᱮ ᱵᱟᱭ ᱩᱪᱷᱟᱹᱱ ᱫᱟᱲᱮᱭᱟᱜ-ᱟ (ᱟᱥᱚᱞ ᱠᱟᱹᱢᱤ ᱨᱮ ᱵᱮᱣᱦᱟᱨ ᱟᱠᱟᱱ ᱠᱷᱚᱱ)
ᱟᱥᱚᱞ ᱵᱟᱡᱟᱱ/ᱠᱟᱹᱢᱤ ᱠᱷᱚᱱ ᱮᱴᱟᱜ ᱥᱮ ᱵᱮᱲᱵᱟᱜ ᱠᱟᱛᱮ ᱵᱮᱵᱷᱟᱨᱤᱭᱟᱹ ᱫᱚ ᱠᱟᱹᱣᱰᱤ ᱵᱟᱭ ᱟᱨᱡᱟᱣ ᱫᱟᱲᱮᱭᱟᱜ-ᱟ
ᱵᱟᱝ
CC-BY-ND icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ-ᱵᱤᱱ ᱰᱮᱨᱤᱵᱷᱮᱴᱤᱵᱽᱥ ᱥᱮ CC Attribution-NoDerivs ᱥᱮ CC BY-ND

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:


  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱯᱷᱨᱤ ᱥᱮ ᱠᱟᱹᱣᱰᱤ ᱟᱨᱡᱟᱣ ᱞᱟᱹᱜᱤᱫ ᱵᱟᱱᱟᱮ ᱞᱮᱠᱟ ᱛᱮᱜᱮᱭᱮ ᱦᱟᱯᱟᱴᱤᱧ ᱫᱟᱲᱮᱭᱟᱜ-ᱟ

ᱵᱮᱵᱷᱟᱨᱤᱭᱟᱹ ᱫᱚ ᱪᱮᱛᱟᱱ ᱨᱮ ᱵᱮᱣᱦᱟᱨᱚᱜ ᱞᱟᱹᱜᱤᱫ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ᱾

ᱵᱮᱵᱷᱟᱨᱤᱭᱟᱹ ᱟᱥᱚᱞ ᱠᱟᱹᱢᱤ ᱨᱮ ᱵᱟᱭ ᱟᱹᱨᱩ ᱯᱷᱮᱨᱟᱣ ᱫᱟᱲᱮᱭᱟᱜ-ᱟ ᱦᱮᱸ
CC-BY-NC-ND icon

ᱥᱤᱹᱥᱤᱹ ᱮᱴᱨᱤᱵᱤᱭᱩᱥᱚᱱ-ᱵᱤᱱ ᱵᱟᱹᱱᱤᱡᱤᱭᱟᱹ- ᱵᱤᱱ ᱰᱮᱨᱤᱵᱷᱮᱴᱤᱵᱽᱥ ᱥᱮ CC BY-NC-ND

ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱮᱴᱟᱜ ᱦᱚᱲᱮ ᱱᱤᱭᱟᱹ ᱠᱚ ᱠᱟᱹᱢᱤ ᱨᱮ ᱟᱝᱜᱚᱪ ᱟᱠᱚᱣᱟ:


  1. ᱠᱟᱹᱢᱤ ᱨᱮ ᱵᱮᱣᱦᱟᱨ
  2. ᱦᱟᱯᱟᱴᱤᱧ ᱨᱮ

ᱪᱮᱛᱟᱱ ᱨᱮ ᱵᱮᱣᱦᱟᱨ ᱞᱟᱹᱜᱤᱫ, ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱠᱚᱯᱤ ᱨᱟᱭᱤᱴ ᱢᱟᱹᱞᱤᱠ ᱠᱨᱮᱰᱤᱴ ᱮᱢᱟᱭ ᱛᱮᱜᱮ ᱦᱩᱭᱩᱜ-ᱟ᱾

ᱵᱮᱵᱷᱟᱨᱤᱭᱟᱹ ᱫᱚ ᱟᱥᱚᱞ ᱠᱟᱹᱢᱤ/ ᱵᱟᱡᱟᱱ ᱵᱟᱭ ᱵᱮᱱᱟᱣ ᱟᱹᱨᱩ ᱫᱟᱲᱮᱭᱟᱜ-ᱟ

ᱥᱮ ᱚᱝᱠᱟ ᱠᱟᱹᱢᱤ ᱚᱠᱟ ᱨᱮᱫᱚ ᱟᱥᱚᱞᱟᱜ ᱵᱟᱡᱟᱱ ᱵᱮᱣᱦᱟᱨ ᱟᱠᱟᱱᱟ
ᱵᱟᱝ

ᱱᱚᱣᱟ ᱪᱮᱛᱟᱱ ᱨᱮᱭᱟᱜ "seven regularly used licenses" ᱫᱚ ᱣᱤᱠᱤᱯᱤᱰᱤᱭᱟ ᱦᱟᱹᱴ ᱨᱮᱭᱟᱜ ᱩᱢᱩᱞ ᱯᱟᱧᱡᱟ ᱠᱟᱛᱮ ᱮᱢ ᱟᱠᱟᱱᱟ᱾

ᱱᱚᱱᱰᱮ ᱟᱫᱚᱢ ᱟᱝᱜᱚᱪ ᱥᱟᱯᱟᱵ ᱠᱚ (ᱴᱩᱞᱥ) ᱟᱨ ᱡᱟᱹᱨᱩᱲᱚᱜ-ᱟᱜ ᱠᱚ ᱮᱢ ᱟᱠᱟᱱᱟ ᱡᱟᱸᱦᱟᱸ ᱵᱮᱣᱦᱟᱨ ᱟᱠᱟᱛᱮ ᱟᱢᱮᱢ ᱩᱨᱩᱢ ᱫᱟᱲᱮᱭᱟᱜ-ᱟ, ᱟᱢ ᱫᱚ ᱚᱠᱟ ᱠᱨᱮᱤᱭᱮᱴᱤᱵᱽ ᱠᱚᱢᱚᱱᱥ ᱵᱮᱣᱦᱟᱨ ᱦᱩᱭᱩᱜ ᱛᱟᱢᱟᱺ

  • CC Chooser (see legacy version): ᱢᱤᱫᱴᱮᱱ ᱱᱚᱝᱠᱟᱱ ᱯᱷᱚᱨᱢ ᱚᱠᱟ ᱨᱮ ᱟᱢ ᱫᱚ ᱟᱢᱟᱜ ᱠᱟᱹᱢᱤ ᱞᱟᱹᱜᱤᱫ ᱢᱤᱫ ᱞᱮᱠᱟᱢᱟᱱ ᱞᱟᱭᱥᱮᱱᱥ ᱥᱮᱱᱫᱽᱨᱟᱭ ᱞᱟᱹᱜᱤᱫ ᱚᱯᱥᱚᱱᱮᱢ ᱯᱮᱨᱮᱡ ᱫᱟᱲᱮᱭᱟᱜ-ᱟ। ᱟᱢᱫᱚ ᱟᱞᱜᱟ ᱛᱮ ᱚᱱᱟ ᱞᱟᱭᱥᱮᱱᱥ ᱨᱮᱭᱟᱜ ᱚᱞᱮᱢ ᱱᱚᱠᱚᱞ ᱫᱟᱲᱮᱭᱟᱜ-ᱟ (ᱥᱮ ᱠᱳᱰ ᱡᱩᱰᱤ ᱡᱟᱦᱟᱱ ᱣᱮᱵᱽ ᱥᱟᱭᱤᱴ ᱨᱮ ᱵᱮᱣᱦᱟᱨᱚᱜ ᱠᱟᱱ ᱠᱷᱟᱱ) ᱟᱨᱮᱢ ᱵᱮᱣᱦᱟᱨ ᱫᱟᱲᱮᱭᱟᱜ-ᱟ᱾
  • Internet Archive: ᱟᱢᱟᱜ ᱯᱟᱹᱨᱥᱤ ᱛᱮ ᱰᱚᱠᱩᱢᱮᱱᱴᱮᱥᱚᱱ ᱠᱟᱹᱢᱤ ᱨᱟᱹᱠᱷᱤ ᱡᱚᱜᱟᱣ ᱥᱮ ᱟᱯᱞᱳᱰ ᱠᱟᱛᱮ ᱫᱚᱦᱚ ᱞᱟᱹᱜᱤᱫ ᱮᱢ ᱟᱠᱟᱱ ᱢᱤᱫᱴᱮᱱ ᱠᱷᱩᱞᱟᱹ ᱢᱩᱨᱟᱹᱭ ᱠᱟᱱᱟ᱾ ᱱᱚᱣᱟ ᱫᱚ ᱠᱨᱤᱭᱮᱴᱤᱵᱽ ᱠᱚᱢᱚᱱᱥ ᱵᱮᱜᱚᱨ ᱦᱚᱸ ᱟᱭᱢᱟ ᱞᱮᱠᱟᱱᱟᱜ ᱥᱮᱬᱟ ᱥᱮᱬᱟ ᱯᱷᱟᱭᱤᱞᱥ (ᱪᱤᱛᱟᱹᱨ, ᱰᱚᱠᱩᱢᱮᱱᱴᱥ, ᱳᱰᱤᱭᱳ ᱟᱨ ᱵᱷᱤᱰᱤᱭᱳ) ᱠᱚᱭ ᱦᱟᱛᱟᱣᱟ᱾ ᱡᱩᱫᱤ ᱟᱢᱮᱢ ᱠᱷᱚᱡᱽ ᱠᱟᱱᱟ ᱟᱢᱟᱜ ᱯᱷᱟᱭᱤᱞ ᱣᱤᱠᱤᱯᱤᱰᱤᱟᱭ ᱟᱨ ᱣᱤᱠᱤᱢᱤᱰᱤᱭᱟ ᱯᱨᱚᱡᱮᱠᱴᱥ ᱨᱮ ᱵᱮᱣᱦᱟᱨᱚᱜ ᱢᱟ, ᱛᱚᱵᱮ ᱚᱱᱟ ᱞᱟᱹᱜᱤᱫ ᱟᱢ ᱫᱚ ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱟᱯᱞᱳᱰ ᱦᱩᱭᱩᱜ ᱛᱟᱢᱟ᱾ ᱥᱟᱹᱢᱩᱝ ᱥᱤᱹᱥᱤᱹ᱐ (CC0),ᱥᱤᱹᱥᱤᱹ-ᱵᱤᱹᱣᱟᱭᱹ ᱟᱨ ᱥᱤᱹᱥᱤᱹ-ᱵᱤᱹᱣᱟᱭᱹ-ᱮᱥᱹᱮᱹ ᱜᱮ ᱟᱝᱜᱚᱪ ᱟᱠᱟᱱᱟ᱾

ᱠᱨᱤᱭᱮᱴᱤᱵᱽ ᱠᱚᱢᱚᱱᱥ ᱞᱟᱭᱥᱮᱱᱥ (Creative Commons Licenses) ᱫᱚ ᱮᱠᱮᱱ ᱠᱷᱩᱞᱟᱹ/ᱢᱚᱥᱛᱮ ᱞᱟᱭᱥᱮᱱᱥ ᱫᱚ ᱵᱟᱝ ᱠᱟᱱᱟ᱾ GNU Free Documentation License ᱫᱚ ᱟᱹᱰᱤ ᱵᱟᱹᱲᱛᱤ ᱠᱩᱥᱤᱭᱟᱜ ᱢᱤᱫ ᱯᱷᱨᱤ ᱞᱟᱭᱥᱮᱱᱥ ᱠᱟᱱᱟ, ᱱᱤᱭᱟᱹ ᱫᱚ ᱵᱟᱹᱲᱛᱤ ᱠᱟᱭᱛᱮ ᱚᱞᱚᱜ ᱵᱟᱡᱟᱱ ᱠᱚᱨᱮ ᱵᱮᱣᱦᱟᱨᱚᱜ ᱠᱟᱱᱟ ᱡᱮᱞᱮᱠᱟ ᱯᱚᱛᱚᱵ ᱟᱨ ᱢᱤᱱᱩ ᱠᱚᱨᱮ᱾ ᱱᱤᱭᱟᱹ ᱫᱚ ᱢᱤᱫᱴᱮᱱ ᱵᱮᱵᱷᱟᱨᱤᱭᱟᱹ ᱟᱥᱚᱞ ᱠᱟᱹᱢᱤ ᱨᱮᱭᱟᱜ-ᱮ ᱵᱮᱣᱦᱟᱨ, ᱱᱚᱠᱚᱞ, ᱥᱩᱫᱷᱨᱟᱹᱣ ᱟᱨ ᱵᱚᱱᱚᱫᱚᱞ ᱞᱟᱹᱜᱤᱫ-ᱮ ᱟᱝᱜᱚᱪᱟᱭᱟ᱾ ᱢᱮᱱᱠᱷᱟᱱ, ᱱᱟᱣᱟ ᱛᱮ ᱑᱐᱐ (ᱢᱤᱫ ᱥᱟᱭ) ᱠᱷᱚᱱ ᱵᱟᱹᱲᱛᱤ ᱠᱚᱯᱤ ᱩᱪᱷᱟᱹᱱ ᱞᱮᱠᱷᱟᱱ ᱟᱥᱚᱞ ᱰᱚᱠᱩᱢᱮᱱᱴ ᱥᱮ ᱥᱳᱣᱨᱥ ᱠᱳᱰ ᱥᱮᱞᱮᱫ ᱛᱮᱜᱮ ᱦᱩᱭᱩᱜ-ᱟ᱾

ᱱᱤᱭᱟᱹ ᱥᱟᱛᱷᱟᱢ ᱫᱚ ᱥᱟᱫᱷᱟᱨᱚᱱ ᱥᱟᱱᱛᱟᱞᱤ ᱚᱱᱚᱞᱤᱭᱟᱹ ᱫᱤᱥᱟᱹ ᱠᱟᱛᱮ ᱚᱞ ᱟᱠᱟᱱ᱾ ᱢᱮᱱᱠᱷᱟᱱ ᱟᱫᱚᱢ ᱩᱠᱩᱣᱟᱜ ᱮᱢ ᱯᱟᱱᱛᱮ ᱫᱟᱲᱮᱩᱟᱜ-ᱟ᱾ ᱦᱤᱸᱥ ᱦᱟᱛᱟᱣ ᱵᱟᱠᱷᱨᱟ ᱜᱟᱯᱟᱞᱢᱟᱨᱟᱣ ᱞᱟᱹᱜᱤᱫ, ᱥᱟᱯᱲᱟᱣ ᱞᱟᱹᱜᱤᱫ ᱥᱮ ᱯᱷᱮᱰᱟᱛ ᱥᱟᱯᱲᱟᱣ ᱨᱮ ᱠᱞᱤᱠ ᱞᱟᱹᱜᱤᱫ ᱱᱤᱭᱟᱹ ᱧᱮᱞ ᱢᱮ discussion page᱾ ᱟᱢ ᱫᱚ ᱟᱨᱦᱚᱸ "Add topic" ᱨᱮ ᱠᱞᱤᱠ ᱠᱟᱛᱮ ᱱᱮᱦᱚᱨᱮᱢ ᱠᱩᱞ ᱫᱟᱲᱮᱭᱟᱜ-ᱟ ᱡᱩᱫᱤ ᱡᱟᱦᱟᱱᱟᱜ ᱵᱷᱩᱞ ᱥᱮ ᱦᱤᱲᱤᱧ ᱠᱚᱜ ᱠᱷᱟᱱ᱾ ᱡᱩᱫᱤ ᱟᱢ ᱮᱱᱮᱢ ᱞᱟᱹᱜᱤᱫ ᱞᱟᱹᱜᱤᱫ ᱜᱚᱨᱚᱡᱽ ᱢᱮᱱᱟᱫ ᱢᱮᱭᱟ, ᱛᱚᱵᱮ ᱫᱟᱭᱟ ᱠᱟᱛᱮ ᱞᱟᱛᱟᱨ ᱨᱮ ᱟᱢᱟᱜ ᱧᱩᱴᱩᱢ ᱥᱮᱞᱮᱫᱽ ᱢᱮ, ᱮᱱᱰᱮ ᱠᱷᱟᱱ ᱢᱤᱫ ᱛᱮ ᱠᱟᱹᱢᱤ ᱞᱟᱹᱜᱤᱫ ᱥᱟᱹᱟᱜᱟᱹᱭ ᱵᱚᱱ ᱡᱚᱲᱟᱣ ᱫᱟᱲᱮᱭᱟᱜ-ᱟ᱾

ᱮᱱᱮᱢᱤᱭᱟᱹᱠᱚ[edit | edit source]

  • ᱛᱚᱨᱡᱚᱢᱟᱭᱤᱡ ᱟᱨ ᱥᱟᱶ ᱚᱱᱚᱞᱤᱭᱟᱹ: R Ashwani Banjan Murmu
  • ᱛᱚᱨᱡᱚᱢᱟᱭᱤᱡ ᱟᱨ ᱥᱟᱶ ᱚᱱᱚᱞᱤᱭᱟᱹ: Fagu Baskey
  • ᱛᱚᱨᱡᱚᱢᱟᱭᱤᱡ ᱟᱨ ᱥᱟᱶ ᱚᱱᱚᱞᱤᱭᱟᱹ: Joy sagar Murmu
  • ᱯᱨᱚᱡᱮᱠᱴ ᱠᱚ-ᱚᱨᱰᱤᱱᱮᱴᱚᱨ ᱟᱨ ᱢᱩᱠᱷᱭᱟᱹ ᱚᱱᱚᱞᱤᱟᱹ: Psubhashish

ᱜᱚᱜ-ᱨᱚᱡᱽ ᱮᱱᱮᱢᱤᱭᱟᱹ? ᱟᱢ ᱧᱩᱛᱩᱢ ᱞᱟᱛᱟᱨ ᱨᱮ ᱥᱮᱞᱮᱫᱽ ᱢᱮ:[edit | edit source]

ᱵᱷᱩᱞᱟᱱᱴᱟᱨᱤ ᱰᱮᱠᱞᱟᱨᱮᱥᱚᱱ[edit | edit source]

ᱥᱟᱛᱷᱟᱢ "ᱥᱟᱛᱷᱟᱢ ᱺ The Chapter "Chapter 1: ᱟᱝᱜᱚᱪ, ᱵᱟᱡᱟᱱ ᱟᱹᱭᱰᱟᱹᱨᱤ ᱟᱨ ᱵᱟᱡᱟᱱ ᱞᱟᱭᱥᱮᱱᱥᱤᱝ ᱠᱚᱫᱚ "ᱠᱨᱤᱭᱮᱴᱤᱵᱽ ᱠᱚᱢᱚᱱᱥ" ᱠᱷᱚᱱ ᱠᱟᱹᱣᱰᱤ ᱥᱚᱦᱚᱫ ᱛᱮ ᱥᱟᱯᱲᱟᱜ ᱠᱟᱱᱟ᱾ ᱵᱟᱹᱲᱛᱤ details ᱛᱮ ᱱᱤᱭᱟᱹ ᱥᱟᱦᱴᱟ ᱠᱷᱚᱱ ᱵᱚᱱ ᱵᱟᱰᱟᱭ ᱫᱟᱲᱮᱭᱟᱜ-ᱟ᱾