Novial/The Little Prince/20 Nov ialiste

From Wikiversity
Jump to navigation Jump to search

Back to The_Little_Prince main page.

20

Ma eventad ke li mikri prinso, hant longitem marcha tra li sandes, li rokes e li nives, deskovrad finalim un vie. E omni li vies vada che homes.

“Bon jorne,” lo dikted.

Lu esed gardene floranti kun roses.

“Bon jorne,” li roses dikted.

Li mikri prinso regardad les. Les omni resemblad lon flore.

“Ques vus es?” lo questionad, tre stuporati.

“Nus es roses,” li roses dikted.

E lo sentad se tre desfelisi. Lon flore had dikte a lo ke le esed li sole ek len spesie in li universe. E hir esed sink mil ek les, omni simili, in un singli gardene!

“Le vud es tre vexati,” lo dikted a se, “ si le vud vida tu… Le vud tusa enormim, e le vud afekta mori por evita bli moka. E me vud mus afekta flega le, pro ke si non, por humilifika me anke, le vud verim lasa se mori…”

Tand lo dikted a se ri: “Me kredad ke me esed richi kun uniki flore, e me posesed nur ordinari rose. Tu e men tri volkanes ke leva se a men genus, e un ek kel, forsan, es extingati eternim… Tu non fa me tre grandi prinso…”

E lieskati in li gasone, lo plorad.